აშშ-ის შტატ მიჩიგანში 2 წლის ბავშვი სახლიდან გაიპარა და თითქმის 5 კილომეტრი იხოხა. მას თან ოჯახის ორი ძაღლი მიჰყვებოდა. ბავშვი რამდენიმე საათში ტყეში მძინარე იპოვეს, როდესაც ერთ-ერთ ცუგას ბალიშად იყენებდა.

ჩეისების ოჯახმა პოლიციას საღამოს 8 საათისთვის გამოუძახა, როდესაც სახლიდან გაპარული ბავშვი ვერ იპოვეს. ბავშვის დედამ, ბრუკმა განაცხადა, რომ თეა ბიძასთან ერთად ეზოში თამაშობდა, ბავშვი ბიძამ სახლში გააგზავნა, რათა ფეხზე ჩაიცვა, ის კი სახლის ნაცვლად ტყისკენ წავიდა. ოჯახის წევრები ძებნას მაშინვე შეუდგნენ, როცა მისი გაუჩინარება აღმოაჩინეს. 20- წუთიანი უშედეგო ძიების შემდეგ კი პოლიციას შეატყობინეს.

სამძებრო-სამაშველო სამსახური, დრონებისა და ძაღლების დახმარებით ბავშვს რამდენიმე საათი ეძებდა. საბოლოოდ მას ოჯახის მეგობარმა მიაგნო, რომელიც გარშემო ტერიტორიას ათვალიერებდა. მან თავდაპირველად ჩეისების ოჯახის ძაღლის ყეფა გაიგონა. ამის შემდეგ მალევე მძინარე ბავშვს გადააწყდა, რომელსაც თავი ოჯახის მეორე ცუგაზე ჰქონდა ჩამოდებული. პოლიციელების თქმით, ნისლიან ამინდში, თანაც ტყეში ბავშვის მოძებნა გაუჭირდათ, რის გამოც მას რამდენიმე საათი ვერ აგნებდნენ.