ტასმანიური ეშმაკის გაგონებაზე პირველი Looney Tunes-ის გმირი ტაზი გაგახსენდებათ. ცელქი, ბზრიალა პერსონაჟი, რომელიც ნამდვილ ტასმანიურ ეშმაკს დიდად არ ჰგავს.

ტასმანიური ეშმაკი სინამდვილეში მომცრო ზომის ჩანთოსანი ცხოველია, რომელიც 65 სანტიმეტრამდე იზრდება და 8 კილომდე იწონის. მათი მოშინაურება შეიძლება, თუმცა კარგ შინაურ ცხოველად არ ითვლებიან, რადგან არც თვითონ გამოხატავენ რამე სახის სითბოს პატრონისადმი და არც იღებენ.

სწორედ ერთ-ერთი ასეთი მოუშინაურებული და ნაკრძალში მცხოვრები ტასმანიური ეშმაკის ვიდეო გადაიღეს ქრედელ მაუნთინში, ავსტრალიაში.

ცხოველი ჰაერში თოვლის სუნს ყნოსავს და შემდეგ, როცა ხვდება, რომ დიდი არაფერი ხდება, ამთქნარებს და თავის საქმეს უბრუნდება.

ავსტრალიაში ამჟამად ზამთარია და იქ მცხოვრები ხალხი და ცხოველები თოვლს აგვისტოს ბოლომდე კიდევ ბევრჯერ იხილავენ, ვიდრე სექტემბრიდან ავსტრალიური გაზაფხული არ დაიწყება.