რა ხდება: ბოლო კვირების განმავლობაში შოვსა და გურიაში სტიქიას 35 ადამიანის სიცოცხლე ემსხვერპლა.

  • 32 ადამიანი შოვში დაიღუპა, 3 — გურიაში.

დეტალები: მთავრობის სხდომაზე პრემიერმინისტრმა განაცხადა, რომ ამ რეგიონებში სტიქიის შედეგად დაზარალებულთათვის ფულად დახმარებას გამოყოფენ.

  • კერძოდ, გაიცემა ერთჯერადი ფულადი დახმარება გარდაცვლილთა ოჯახებისთვის, თითოეულ გარდაცვლილზე ოცი ათასი ლარის ოდენობით.
  • ხოლო გურიაში მოხდება ყველა იმ მოქალაქის განსახლება, ვისაც სახლი ან დაენგრა ან გამოუსადეგარია საცხოვრებლად.
  • "ოჯახებს მიეცემათ ან ახალი სახლი ან ჩვენ შევუძენთ ან ავაშენებთ ან თანხას გადავცემთ და თავად შეიძენენ სახლებს", — განაცხადა ღარიბაშვილმა.