კორტნი კარდაშიანი სოციალურ ქსელში ორსულობის გართულებებზე ჰყვება და ამბობს, რომ ნაყოფზე გადაუდებელი ოპერაცია დასჭირდა. კორტნიმ საავადმყოფოს საწოლიდან მისი და მისი ქმრის ხელჩაკიდებული ფოტო დადო და ექიმებს, დედას და ქმარს მადლობა გადაუხადა.

"სამი მარტივი ორსულობის შემდეგ, ნაყოფზე გადაუდებელი ოპერაციისთვის მზად არ ვიყავი. ვისაც მსგავსი რამ არ გამოუცდია, ვერასდროს მიხვდება, რამხელა შიშის გამოცდა გიწევს. უდიდეს პატივისცემას ვგრძნობ იმ დედების მიმართ, რომელთაც ფეხმძიმობის პერიოდში თავიანთი შვილების სიცოცხლისთვის ბრძოლა დასჭირდათ", — წერს კარდაშიანი.

კორტნი კარდაშიანის ქმარი, ტრევის ბარკერი, ბენდ Blink 182-ის დრამერია. ცოტა ხნის წინ ბენდმა დაწერა, რომ ოჯახში შექმნილი გადაუდებელი პრობლემის გამო დროებით ევროპის ტურიდან სახლში დაბრუნება უწევდა, რის გამოც ბენდმა კონცერტები გადადო. როგორც გაირკვა, საქმე კორტნის ოპერაციას ეხებოდა. კარდაშიანი და ბარკერი პირველ საერთო შვილს ელოდებიან.

იხილეთ ასევე: