რატომ არის მნიშვნელოვანი: 3 აგვისტოს, რაჭაში, შოვში, სასტუმრო სანსეტ შოვის მიმდებარედ, მეწყერი ჩამოწვა.

  • ოფიციალური ცნობით, სტიქიის შედეგად 33 ადამიანი დაიღუპა — 2 დაკარგულის ცხედარს ამ დრომდე ეძებენ.
  • ათეულობით ადამიანი, რომლებმაც გადარჩენა მოახერხა, სტიქიის ზონიდან რამდენიმე საათის შემდეგ გამოიყვანეს.

დეტალები: მთავრობის ადმინისტრაციის განცხადებით, სტიქიით დაზარალებული პირებს, გარდაცვლილებისა და დაკარგულების ოჯახის წევრებს, ფსიქოლოგის კონსულტაციასა და ფსიქოთერაპიულ სეანსებს შესთავაზებენ.

  • საჭიროების შემთხვევაში, მათ ფსიქიატრის კონსულტაცია და მედიკამენტებიც აუნაზღაურდებათ.
  • "აღნიშნული სერვისები ფინანსდება სახელმწიფოს მიერ და ხელმისაწვდომია როგორც თბილისში, ისე რეგიონებში შესაბამისი სერტიფიკატების მქონე ცენტრებსა და დაწესებულებებში", — ნათქვამია მთავრობის განცხადებაში.