ჰეილი ბიბერი ნიუ-იორკში მოდის მარათონს ატარებს და საზოგადოებას თავისი ბრენდის, Rhode-ის, ახალ პროდუქციას წარუდგენს. სანამ ჰეილი ქალაქის ქუჩებსა და ინტერვიუებში სხვადასხვა სამოსით იწონებს თავს, ჯასტინიც გვერდით დაჰყვება. ჯასტინისა და ჰეილის შეუსაბამო ჩაცმულობამ კი ინტერნეტი ისევ აახორხოცა.

ფოტო: Getty Images

ფოტოგრაფებმა ჰეილი უკვე სამ სხვადასხვა წითელ და თეთრს სამოსში დააფიქსირეს, რას მისი ახალი ტრენდიდან, Strawberry Girl Summer-დან, გამომდინარე ბუნებრივია. თუმცა პაპარაცებს არც ჯასტინ ბიბერის ჩაცმულობა გამორჩენიათ, რადგან მომღერალმა კეპთან და ყვითელ ფეხსაცმელებთან ერთად სპორტული სამოსი აირჩია.

ფოტო: Getty Images

თავიდან ჰეილი Vivienne Westwood-ის წითელი კაბით გამოჩნდა, შემდეგ კი არჩევანი Marc Jacobs-ის თეთრ კაბაზე შეაჩერა. დღის მესამე სამოსად ჰეილიმ Ermanno Scervino-ის წითელი კაბა აირჩია, თუმცა უნდა ვაღიაროთ, რომ ჯასტინის ჩაცმულობამ მასზე არანაკლები ყურადღება მიიპყრო.

აღსანიშნავია, რომ ჰეილი ბიბერის კანის მოვლის ხაზი Rhode უკვე მთელ მსოფლიოში პოპულარულია. Rhode-ს კანის მოვლის ხაზი ძირითადად სახის მოვლის საშუალებებს მოიცავს. ჰეილი ბიბერის კანის მოვლის ხაზის ბოთლები, მილები და თავსახურები რეციკლირებული მასალებით არის დამზადებული, ამიტომ მათი გადამუშავება შესაძლებელია და გარემოს ნაკლებ ზიანს აყენებს.