ლეგენდარული იაპონელი რეჟისორი და ანიმატორი ახალი და, მისი თქმით, ბოლო ანიმეთი გვიბრუნდება. ჰაიაო მიაძაკის ახალი ნამუშევარი, სახელად როგორ ცხოვრობ? (ინგლისურენოვან ვერსიას ბიჭი და ყანჩა ერქმევა), კინოკრიტიკოსებმა უკვე შეაფასეს "შედევრად".

ფოტო: Studio Ghibli

ფოტო: Studio Ghibli

მიაძაკის უკანასკნელი ნამუშევრის სახელი აღებული აქვს იაპონელი მწერლის, იოშინო გენძაბუროს, წიგნის სათაურიდან, თუმცა, ფილმის სიუჟეტი ნაწარმოებს არ ეფუძნება. აქ ამბავი მოზარდ ბიჭზეა, რომელიც თავის პატარა ქალაქში მიტოვებულ კოშკს აღმოაჩენს და მოლაპარაკე ყანჩასთან ერთად ჯადოსნურ სამყაროში აღმოჩნდება.

ფოტო: Studio Ghibli

ფოტო: Studio Ghibli

აღსანიშნავია, რომ პრემიერამდე ფილმის შესახებ ფაქტობრივად არაფერი იყო ცნობილი, რადგან არც ტრეილერი გავრცელებულა და არც — სიუჟეტის აღწერა.

ფოტო: Studio Ghibli

ფოტო: Studio Ghibli

ფოტო: Studio Ghibli

ამერიკელი მაყურებელი მიაძაკის უკანასკნელ ნამუშევარს, სავარაუდოდ, წელსვე იხილავს. ეპოქალური რეჟისორის ახალი ფილმის ჩვენების უფლება სხვა რამდენიმე ქვეყანაშიც გაყიდულია უკვე.

ფოტო: Studio Ghibli

ფოტო: Studio Ghibli

ფოტო: Studio Ghibli

მიაძაკი ისეთი ცნობილი ანიმეების რეჟისორია, როგორებიცაა მოჩვენებების მიერ გატაცებულნი, ჰაულის მოსიარულე ციხე-კოშკი, ჩემი მეზობელი ტოტორო და პრინცესა მონონოკე. ჯერჯერობით მოჩვენებების მიერ გატაცებულნი ერთადერთი ანიმეა, რომელსაც საუკეთესო ანიმაციური ფილმისთვის ოსკარი აქვს მიღებული. ამ ყველაფრის გათვალისწინებით, გასაკვირი სულაც არაა, რომ მიაძაკის ახალ ანიმეს მსოფლიო სულმოუთქმელად ელოდება.

ფოტო: Studio Ghibli

ფოტო: Studio Ghibli

ფოტო: Studio Ghibli

ამავე თემაზე:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...