რატომ არის მნიშვნელოვანი: ქვეყნის პრემიერმინისტრმა ომის მე-15 წლისთავიც 2008 წლის აგვისტოს ომთან დაკავშირებული სხვადასხვა პროპაგანდის გასაჟღერებლად გამოიყენა.

  • აგრესორი რუსეთის ხსენების გარეშე ისაუბრა მსხვერპლზე, ტერიტორიების დაკარგვაზე, ოკუპაციაზე და ტრადიციულად, "ომის აცილების" ნარატივი გაავრცელა.
  • და რა თქმა უნდა, გააკრიტიკა მიხეილ სააკაშვილი.

ღარიბაშვილმა არც ამ შემთხვევაში ახსენა რუსეთი და ისევ მოახერხა, ოკუპაციაზე ოკუპანტ ქვეყანაზე საუბრის გარეშე ელაპარაკა.

  • მანამდე კი, ტრადიციულად, ექსპრეზიდენტი გააკრიტიკა, გამყიდველი, მხდალი მოღალატე და შემარცხვენელი უწოდა, რომელიც "მაშინ როცა გმირები თავს წირავდნენ, გარბოდა".
  • "2008 წლის 11 აგვისტოს გახსოვთ გაქცეული სააკაშვილი თვითმფრინავის ხმის გამო. მას ყავდა ჩამოყვანილი აქ სტუმარი, საფრანგეთის საგარეო საქმეთა მინისტრი და მაშინ როცა ჩვენი გირები აქ თავს წირავდნენ, ყოფილი პრეზიდენტი გარბოდა და მიწაზე გართხმული მისი შეშინებული სახე ნახა მთელმა მსოფლიომ".
  • რაც შეეხება ოკუპაციას, მან ამას "მძიმე მემკვიდრეობა" უწოდა და ისევ მშვიდობის შენარჩუნების პოლიტიკაზე აპელირებდა.
  • "ჩვენი ჭკუით, გონიერებით, თანმიმდევრული ნაბიჯებით უნდა მოვახერხოთ, უნდა აღვადგინოთ ჩვენი ქვეყნის ტერიტორიული მთლიანობა. ეს არის ჩვენი მთავარი მიზანი. კიდევ ერთხელ დიდება ჩვენს გმირებს და ქედს ვიხრი მათი ხსოვნის წინაშე", — თქვა მან.