რეჟისორი კვენტინ ტარანტინო და მომღერალ დანიელა პიკი დაინიშნენ.

წყვილმა ერთმანეთი 2009 წელს ისრაელში გაიცნო, სადაც ტარანტინო თავისი ფილმის Inglourious Basterds პრემიერაზე იყო ჩასული.

მოგვიანებით წყვილი რამდენიმე წვეულებასა და წითელ ხალიჩაზეც გამოჩნდა ერთად თუმცა მალევე დაშორდნენ ერთმანეთს, 2016 წელს კი კვლავ შერიგდნენ და როგორც ჩანს თავს ბედნიერადაც გრძნობენ.

"ეს მართალია, ჩვენ ძალიან ბედნიერები ვართ", - ამბობს დანიელა პიკი.

პრესასთან კომენტარი დანიელას მამამ, მუსიკოსმა სვიკა პიკმაც გააკეთა და თქვა, რომ წყვილს დიდ ბედნიერებას უსურვებს.

"დიახ, კვენტინი ჩვენს ოჯახს შემოუერთდა. ისინი გუშინ დაინიშნენ და ჩვენ უკვე ვუსურვეთ მათ ბედნიერება", - თქვა დანიელას მამამ.