ცნობილი სერიალების, Breaking Bad-ისა და Better Call Saul-ის, მსახიობი მარკ მარგოლისი 83 წლის ასაკში გარდაიცვალა. მსახიობი ხანმოკლე ავადმყოფობის შემდეგ გარდაიცვალა — ამის შესახებ ინფორმაცია მისმა შვილმა გაავრცელა.

სერიალებში მარგოლისი ნარკოტიკების ბიზნესში ჩართული ცნობილი ოჯახის ერთ-ერთ წევრს, ჰექტორ სალამანკას როლს ასრულებდა. ის პირველად Breaking Bad-ის მეორე სეზონის მეორე ეპიზოდში გამოჩნდა — სერიალში ჰექტორ სალამანკა პარალიზებულია, ვერ ლაპარაკობს და კომუნიკაციისთვის ზარს იყენებს.

"Breaking Bad-ის მხოლოდ ერთ ეპიზოდში უნდა გამოვჩენილიყავი, მაგრამ ხალხის გემოვნებას რას გაუგებ — ფანებს მოვეწონე. ამასწინათ ვიღაცამ მკითხა, ეგეთი საშინელი კაცი როგორ განასახიერეო. მე ვუპასუხე: 'ჩემს მეგობრებთან გისაუბრია? ისინი გეტყვიან, რომ სინამდვილეშიც საშინელი ვარ", — განაცხადა ერთ-ერთ ინტერვიუში მსახიობმა.