პარტია ნაციონალური მოძრაობის თბილისის მერობის კანდიდატი, ზაალ უდუმაშვილი, ინგა გრიგოლიას გადაცემა რეაქციაში აცხადებს, რომ არჩევნებში გამარჯვების იმედი აქვს.

"სამი წლის წინ დაწყებული ბრძოლა მე მოვუგე ბიძინა ივანიშვილს. სამი წელი ვიბრძოდი და ეს ბრძოლა ჩემი გამარჯვებით დასრულდა. შესაბამისად, მის ფავორიტთან ბრძოლაც, არ ვიცი კალაძე არის თუ არა მისი ფავორიტი, არ იქნება ჩემთვის ძალიან რთული".

უდუმაშვილი აცხადებს, რომ კახა კალაძე თბილისელებში "სუპერ არაპოპულარულია", თუმცა დასძენს, რომ მასთან დაპირისპირება რთული იქნება, რადგან კალაძის უკან, მისი თქმით, დიდი ფულადი და სახელმწიფო რესურსი დგას.

ზაალ უდუმაშვილმა დასძინა, რომ ის პატივისცემას უცხადებს ოპოზიციური პარტიებიდან წარდგენილ მერობის კანდიდატებს.

მმართველი პარტია ქართული ოცნება თბილისის მერობის კანდიდატს ხვალ წარადგენს. ინგა გრიგოლიას ინფორმაციით, კახა კალაძის წარდგენას ბიძინა ივანიშვილი არ დაესწრება.