ვენაში გამართულ კონცერტზე ჰარი სტაილსს ნივთი ესროლეს, რომელიც არტისტს თვალში მოხვდა. ვიდეო, რომელშიც ეს მომენტი ჩანს, ინტერნეტში მალევე გავრცელდა. კადრებში ვხედავთ, რომ ჰარის თვალში რაღაც ხვდება, სვლას ანელებს და თვალს ისრესს.

ეს სტაილსისთვის პირველი მსგავსი შემთხვევა არაა — რამდენიმე თვის წინ გავრცელებულ ვიდეოებში ჩანდა, რომ ფანები ჰარის სკიტელსის კანფეტებს ესროდნენ, რასაც ბრენდის ოფიციალური გვერდის გამოხმაურება მოჰყვა:

"არ გვეგონა, რომ ამის თქმა გვჭირდებოდა: გთხოვთ, სკიტელსს ნუ ისვრით", — წერია პოსტში.

მსგავსი ინციდენტები როგორც სტაილსს, ასევე სხვა ვარსკვლავებსაც ხშირად ემართებათ, მაგალითად, ცნობილ მომღერალ ადელს აუდიტორიისთვის მიუმართავს, რომ არტისტებისთვის ნივთების სროლა შეწყვიტონ. ზოგიერთი მომღერალი ზოგჯერ ნივთის სროლის გამო დაშავებულა კიდეც და დროებით სცენა დაუტოვებია.