ევროინტეგრაციის მხარდამჭერი კამპანია "ახლა" არტ გენთან ითანამშრომლებს და ფესტივალის როგორც რეგიონულ კონცერტებზე, ასევე თბილისის მასშტაბურ ღონისძიებებზე იქნება წარმოდგენილი.

ფესტივალზე კამპანია "ახლა" მრავალფეროვანი აქტივობებით წარდგება, რათა ევროკავშირთან ინტეგრაციის შესახებ ინფორმაცია გაავრცელოს, შეკრებილ საზოგადოებას იმ სიკეთეებზე ესაუბროს, რასაც ქართული ოჯახები ევროკავშირში გაწევრებით მიიღებენ, ასევე აჩვენოს ის მაგალითები, თუ რამდენად სწრაფად და თვალსაჩინოდ შეიცვალა სოციალურ-ეკონომიკური მდგომარეობა უკეთესობისკენ იმ ქვეყნებში, რომლებიც ახლახან შეუერთდნენ ევროკავშირს. კამპანიის მხარდამჭერები ფესტივალზე შეკრებილ საზოგადოებას იმაზეც ესაუბრებიან, რომ ევროკავშირის წევრობა საქართველოს მოსახლეობის ურყევ მისწრაფებად რჩება და მნიშვნელოვანია მოვთხოვოთ ხელისუფლებას კანდიდატის სტატუსის მისაღებად საჭირო ქმედითი ნაბიჯები და რეფორმები ახლა.

არტ გენის ფესტივალი ქალაქ დმანისსა და რუსთავში გამართული კონცერტებით დაიწყო, 20-დან 30 ივლისის ჩათვლით კი თბილისში, ეთნოგრაფიულ მუზეუმში გადმოინაცვლებს. ევროინტეგრაციის მხარდამჭერი კამპანიის კუთხის სტუმრობით ფესტივალის ვიზიტორ ყველა ასაკის ადამიანს შესაძლებლობა აქვს ევროკავშირში შემავალი ქვეყნების ღირებულებების შესახებ მეტი ინფორმაცია მიიღოს, ისაუბროს იმაზე, თუ რამდენად მნიშნელოვანია ხელისუფლების მხრიდან ყველაფერი გაკეთდეს რათა საქართველომ კანდიდატის სტატუსი მოიპოვოს და ამასთან ერთად ითამაშოს შემეცნებითი სამაგიდო თამაში საქართველოს ევროპული ისტორიის შესახებ.

"ფესტივალზე დასწრება და კამპანიის მხარდამჭერ აქტივობებში ჩართვა ნებისმიერი ასაკის ადამიანს შეუძლია, ვისაც სურს კამპანიის მხარდამჭერებთან ერთად ისაუბროს ევროკავშირის წევრობის კონკრეტულ სარგებელზე წევრი ქვეყნების მაგალითებზე და ფესტივალის მრავალფეროვანი მუსიკალური პროგრამით დატკბეს", — ნათქვამია კამპანიის ორგანიზატორების მიერ.

კამპანიის "ახლა" შესახებ:

კამპანია "ახლა" კოალიცია ინფორმაციის სანდოობის ორგანიზებით აპრილის თვეში დაიწყო და ის წარმოაჩენს თუ რა მნიშვნელოვან სარგებელს მიიღებს თითოეული ოჯახი საქართველოს ევროკავშირში გაწევრებით. კამპანიის ფარგლებში დაგეგმილი მრავალფეროვანი ღონისძიებები, აერთიანებს საზოგადოების სხვადასხვა ჯგუფებს და საინფორმაციო პლატფორმით შესაძლებლობას აძლევს საკუთარი შვილების მომავლისთვის, ძლიერი ოჯახებისთვის, მოსთხოვონ ხელისუფლებას ხელიდან არ გაუშვას ეს შესაძლებლობა, არ დაკარგოს დრო და მოიპოვოს ევროკავშირის კანდიდატის სტატუსი.

კამპანია "ახლა" როგორც სოციალურ ქსელებში, ასევე თბილისსა და საქართველოს სხვა ქალაქებში ბილბორდებზე, ავტობუსებსა და მეტროში ბანერების განთავსებით დაიწყო. მომდევნო თვეების განმავლობაში, ევროინტეგრაციის მხარდამჭერ არაერთ პარტნიორთან ერთად, კამპანია სხვადასხვა არხებისა და ღონისძიებების მეშვეობით საქართველოს მასშტაბით გაიშლება.

ახლა მოქმედების დროა! მოითხოვე რეფორმები დაპირებების ნაცვლად!

კოალიცია ინფორმაციის სანდოობისთვის ფეისბუქ გვერდი: https://www.facebook.com/infointegritycoalition
ელ-ფოსტა: [email protected]
ტელეფონი: 599326555