ჯორჯიან უოთერ ენდ ფაუერი ბურჯანაძის ქუჩის რეაბილიტაციის ფარგლებში წყალმომარაგებისა და წყალარინების ქსელებს სრულად აახლებს.

პროექტის ფარგლებში განახლდა 1226 მეტრი სიგრძის წყალსადენის ქსელი, დამონტაჟდა 28 ერთეული ევროსტანდარტის ჩამკეტ-მარეგულირებელი ურდული და მოეწყო 8 სახანძრო ჰიდრანტი.

აღნიშნული რეაბილიტაციის შედეგად წყალმომარაგება მნიშვნელოვნად გაუუმჯობესდება:

ბურჯანაძის, მარია პერენის, ფილადელფო კიკნაძის, თამაზ ბუაჩიძის, თეკლა ბატონიშვილის, ვალენტინ გიგინეიშვილის, ვლადიმერ აღნიაშვილის, გაიოზ რექტორის, თამარის, ქვემო მელითონეთა დასახლებას, ვახტანგ შანავას და რევაზ კვირიკაშვილის ქუჩებს.

ფოტო: GWP

პროექტის ბოლო ეტაპზე ჩატარდება გადაერთებითი სამუშაოები, რის შემდეგაც წყალმომარაგების ახალი ქსელი ექსპლუატაციაში შევა.

ჯორჯიან უოთერ ენდ ფაუერმა სარეაბილიტაციო სამუშაოები მიმდინარე წლის მაისის თვეში დაიწყო და ივლისის ბოლოს დაასრულებს. პროექტში კომპანია ნახევარ მილიონ ლარამდე ინვესტიციას ახორციელებს.