რას ჰყვებოდა და რატომ დააკავეს ბაჩალიაშვილის საქმის გამომძიებელი
რას ჰყვებოდა გამომძიებელი: ყოფილი გამომძიებელი, სერგო შუბითიძე, თამარ ბაჩალიაშვილის საქმის შესაძლო გაყალბებაზე ფორმულასთან 3 წლის შემდეგ, 29 აპრილს, ალაპარაკდა.
- "დღემდე ღამეებიც კი ცუდად მძინავს, სულ იმის სახე მიდგას თვალწინ, გვამი მიდგას თვალწინ. მინდა, რომ ამ საქმეზე სამართალი დადგეს. არ მინდა, რომ ეს ტვირთი მარტო მე ვატარო, სხვებმაც ატარონ, ვისაც ეკუთვნით", — ამბობდა ის.
- შუბითიძე რამდენიმე გარემოებაზე მიუთითებდა, მათ შორის, გვამური პროცესების დაწყებაზე და იმაზე, რომ ცხედარი მწერებით იყო დაფარული.
- "ითქვა, რომ, შესაძლოა, მანქანაში ბუზი შეფრინდა, მაგრამ მე ის მაინტერესებს, საქარე მინები აწეული იყო ყველა, რამდენი ბუზი უნდა შეფრენილიყო განა. შესაძლოა, ბუზებისგან წარმოქმნილიყო მატლები, თუმცა რამდენი? [...] მე უფრო მაგ ვერსიას ვუშვებ, რომ იყო მიწაზე", — ჰყვებოდა გამომძიებელი.
- მისივე თქმით, ჰქონდათ ეჭვი, რომ ბაჩალიაშვილი რომელიღაც ქოლცენტრში მუშაობდა. "როგორც ვიცი რაღაც ქოლცენტრი იყო [სადაც მუშაობდა]. ზუსტად დასახელება არ ვიცი", — თქვა მან.
ტელეფონის ეპიზოდი: შუბითიძე იხსენებდა, რომ თანამშრომელმა, ელგუჯა აპუაშვილმა მიუტანა ბაჩალიაშვილის გამორთული ტელეფონი და ლუქი და სთხოვა დაელუქა.
- "როდესაც რაღაც ნივთი იღება კონკრეტულ ადგილზე, იქვე ილუქება ის. თუმცა მას ჰქონდა მოტანილი დაულუქავ მდგომარეობაში. ამაზე პრეტენზია რომ ვუთხარი, მითხრა, რომ შემეძლო დამერეკა ხელმძღვანელებისთვის. აღარ დავუწყე, ვისთვის უნდა დამერეკა, დავლუქე და გავატანე უკან".
- ამბობდა, რომ მე-2 ან მე-3 დღეს, ოქმის საფუძველზე, გახსნა ტელეფონი და დაათვალიერა: "გამიჩნდა ერთადერთი კითხვა, 18 ივლისის ზევით, 17-16-15 რიცხვებში არანაირი ზარები არ იყო შემოსული, არც მესიჯები. იყო საქართველოს ბანკიდან შემოსული შეტყობინება და ასეთი რაღაცა. გამიკვირდა. ასეთი გაქანების გოგოს, მითუმეტეს ასეთ სფეროში მუშაობდა, წესით უნდა ყოფილიყო წინა რიცხვების ზარებიც".
- მიუთითებდა იმაზეც, რომ ტელეფონის ჩართვის შემდეგ უნდა მისულიყო შეტყობინება გამოტოვებულ ზარებზე, რაც არ მიუღია.
- "თავიდან ეჭვი იმაზე დამებადა, რომ ელგუჯა აპუაშვილს საერთოდ არ უნდა მოეტანა ეს ტელეფონი, თუნდაც გახსნილ მდგომარეობაში, მას ხელი არ მიუწვდებოდა ამაზე".
- ფორმულამ კითხვები დაუსვა აპუაშვილსაც, რომელიც, მათი ინფორმაციით, ბაჩალიაშვილის საქმიდან რამდენიმე თვეში დააწინაურეს — ის ამბობს, რომ წლები გავიდა და საქმის დეტალები არ ახსოვს.
გაწერილი კითხვები: შუბითიძე ამბობდა, რომ გამოძიებისას პროკურატურიდან გაეგზავნათ კითხვარის შაბლონი, რომლითაც უნდა ეხელმძღვანელათ "არც მეტი, არც ნაკლები".
- "გამომძიებელი როცა ხარ და ზედამხედველი გყავს პროკურორი და გეუბნება, რომ ეს კითხვა არის, მაშინ მას აღარ გაცდები. ბევრ რამეს ვკითხავდი, რაში გამოიხატებოდა ერთი ადამიანის საქმიანობა, კონკრეტულ დეტალებს".
- თუმცა შუბითიძის ყოფილი კოლეგა, რომელიც ამ საქმეზე მუშაობდა, ფორმულასთან ამას არ ადასტურებდა.
- ფორმულას ინფორმაციით, შუბითიძე საქმეს დაახლოებით 2 კვირის განმავლობაში ხელმძღვანელობდა, ვიდრე გამოძიებას თბილისის ბიურო გადაიბარებდა.
- გარდა ამისა, როგორც გადაცემის წამყვანები ამბობენ, მან 20-წლიანი კარიერა შსს-ში ამ ინტერვიუს შემდეგ თავისივე პატაკით დაასრულა.
რას ედავებიან გამომძიებელს: პროკურატურის განცხადებით, სერგო შუბითიძის მიერ ფორმულასთვის მიცემული ინტერვიუ არაერთ ტყუილს შეიცავდა.
- "მიზნად ისახავდა თამარ ბაჩალიაშვილის ოჯახის, საზოგადოების, საგამოძიებო უწყებისა და მართლმსაჯულების შეცდომაში შეყვანას", — აცხადებენ უწყებაში.
- პროკურატურაში ამბობენ, რომ შუბითიძეს არათუ არ დაუწყია გამოძიება ბაჩალიაშვილის საქმეზე, როგორც თავად ამტკიცებდა, არამედ იმ დროისთვის საერთოდ არ მუშაობდა პოლიციის იმ განყოფილებაში, რომელმაც ეს საქმე აიღო.
- სამართალდამცავი უწყების ცნობით, შემთხვევის ადგილის დათვალიერებისას უწყვეტად მიმდინარეობდა საგამოძიებო პროცესის ვიდეოგადაღება, საიდანაც ჩანს, რომ პროცესში, ასევე, არ მონაწილეობდა გამომძიებელი ელგუჯა აპუაშვილი, რომელმაც, შუბითიძის მტკიცებით, მას დასალუქი ტელეფონი გადასცა.
- აქვე განმარტავენ, რომ დალუქული ტელეფონი არცერთ გამომძიებელს არ გაუხსნია, მათ შორის, არც შუბითიძეს.
- "უტყუარად დასტურდება, რომ თამარ ბაჩალიაშვილის მობილური ტელეფონი დაილუქა შემთხვევის ადგილზე და ამავე, დალუქულ მდგომარეობაში, მეორე დღეს, 23 ივლისს, გადაიგზავნა შინაგან საქმეთა სამინისტროს საექსპერტო კრიმინალისტიკურ დეპარტამენტში".
დაკავებულ გამომძიებელს ბრალდება სსკ-ის 370-ე მუხლის 1-ლი ნაწილით წარედგინება, რაც მოწმის მიერ ცრუ ჩვენების მიცემით მართლმსაჯულებისთვის ხელის შეშლას გულისხმობს.
- პროკურატურის განცხადებით, მტკიცებულებების ერთობლივი ანალიზით უტყუარად დასტურდება, თამარ ბაჩალიაშვილის მიმართ რაიმე უკანონო ქმედებას ადგილი არ ჰქონია და მან სიცოცხლე თვითმკვლელობით დაასრულა.
ბაჩალიაშვილის საქმე: 23 წლის პროგრამისტი, თამარ ბაჩალიაშვილი 2020 წლის 18 ივლისს დაიკარგა.
- 5 დღის შემდეგ, ის გარდაცვლილი იპოვეს საკუთარი მანქანის უკანა სავარძელზე, რომელიც თეთრიწყაროს მუნიციპალიტეტში, მაგისტრალიდან 100-200-მდე მეტრის დაშორებით, ბუჩქნარში იყო გაჩერებული.
- საქმეზე გამოძიება თავისუფლების უკანონო აღკვეთის მუხლით მიმდინარეობდა, თუმცა 24 ივლისს კიდევ ერთი კვალიფიკაცია — თვითმკვლელობამდე მიყვანის მუხლი დაემატა.
- 18 სექტემბერს პროკურატურამ სიკვდილის მიზეზად მედიკამენტური ინტოქსიკაცია დაასახელა.
- 17 დეკემბერს კი უწყებამ განაცხადა, რომ ბაჩალიაშვილის მიმართ დანაშაულის ჩადენას ადგილი არ ჰქონია, მან თავი მოიკლა — გამოძიება შეწყდა.
როგორ მიმდინარეობდა გამოძიება: ამ საქმეზე თავიდანვე არაერთი კითხვის ნიშანი არსებობდა. ოჯახი გამოძიებას უნდობლობას უცხადებდა, ამიტომ საქმეში დამოუკიდებელი ექსპერტი იყო ჩართული.
- ოჯახისთვის გაურკვეველი იყო, როგორ ვერ იპოვეს მანქანა 4 დღის განმავლობაში — შსს კი განმარტავდა, რომ მანქანის მოძრაობის მარშრუტი და შემთხვევის ადგილს არ ემთხვეოდა ერთმანეთს, რის გამოც მანქანა მალე ვერ მოიძებნა.
- მაშინ ოჯახის ადვოკატი ამბობდა, რომ ექსპერტიზის დასაწყებად მისულებს, ბაჩალიაშვილის ტელეფონი გახსნილი დახვდათ — მისივე განცხადებით, ლუქზე ჰქონდა ხელი მოწერილი, ამიტომ ტელეფონი არ უნდა გახსნილიყო.
- მანვე აღნიშნა, რომ ბაჩალიაშვილის კომპიუტერს ლუქი მის გარეშე მოხსნეს.
- თავის მხრივ პროკურატურა ამბობდა, რომ გამოძიების მსვლელობისას "აღდგენილი და შესწავლილ იქნა თამარ ბაჩალიაშვილის ტელეფონსა და კომპიუტერში არსებული ყველა ინფორმაცია".
- მათივე მტკიცებით, წუთობრივი სიზუსტით იქნა რეკონსტრუირებული თამარ ბაჩალიაშვილის მიერ თვითმკვლელობის დაგეგმვისა და განხორციელების პროცესი და მასთან დაკავშირებული გარემოებები.
- თუმცა ოჯახი და ადვოკატები აცხადებდნენ, რომ გამოძიებამ არაერთი კითხვა დატოვა უპასუხოდ.
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვასალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე სალომე ზურაბიშვილი ელჩებს: დაძაბულ ვითარებაში ვართ... ჩემი თხოვნაა, განხორციელდეს მაღალი დონის ვიზიტები მაისის ბოლომდე
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვარა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე რა უნდა ვიცოდეთ დღევანდელ პროტესტზე, რომელიც 18:30-ზე დაიწყება სასტუმრო პარაგრაფთან, თავისუფლების მოედანზე
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვაპარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა პარლამენტში 3 და 4 მაისს უსაფრთხოების ყვითელი დონე იმოქმედებს — ვიზიტორებს ეზღუდებათ პარლამენტის სასახლეში შესვლა
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
კომენტარები