აშშ-ის სანაპირო დაცვის სამსახური და კომპანია OceanGate ადასტურებენ, რომ რამდენიმე დღის წინ ატლანტის ოკეანეში გაუჩინარებულ წყალქვეშა ნავზე მყოფი ყველა ადამიანი გარდაცვლილია. ბორტზე მყოფ 5 მგზავრს შორის მამა-შვილი შაჰზადა და სულემან დავუდებიც იყვნენ. ახლახან გავრცელებული ინფორმაციით კი, თურმე 19 წლის სულემანს ექსპედიციაში მონაწილეობის მიღება არ სურდა.

NBC-თან ინტერვიუში სულემანის მამიდამ, აზმე დავუდმა განაცხადა, რომ თავის ძმისშვილს ტიტანიკის ნამსხვრევების სანახავად წასვლა არ უნდოდა. აზმემ აღნიშნა, რომ სულემანი მზად არ იყო და ძალიან ეშინოდა, თუმცა ექსპედიციაში მონაწილეობაზე მამის გამო დათანხმდა. 18 ივნისი მამის დღე იყო და სულემანმა გადაწყვიტა, რომ ამ დღეს დრო მამასთან ერთად გაეტარებინა.

ფოტო: Getty Images

"თითქოს საშინელებათა ფილმში მოვხვდი, რომელშიც წამმზომია ჩართული, თუმცა რას ვითვლით, არ ვიცი. მგზავრებზე ფიქრისას პირადად მე სუნთქვა მიჭირს", — განაცხადა აზმემ.

შახზადა დავუდი პაკისტანელი ბიზნესმენი და ქვეყნის ერთ-ერთი უმდიდრესი ადამიანი იყო. ბოლო პერიოდში შახზადა ბრიტანეთში ცოლთან და ორ შვილთან ერთად ცხოვრობდა. 19 წლის სულემან დავუდი კი მგზავრებს შორის ყველაზე ახალგაზრდა იყო. სულემანი გლაზგოს უნივერსიტეტში ბიზნესის ფაკულტეტზე სწავლობდა და პირველი კურსი ცოტა ხნის წინ დაამთავრა.

ასევე იხილეთ: