წყალქვეშა ნავი, რომელსაც ტურისტები ჩაძირული ტიტანიკის ნარჩენებთან მიჰყავდა, ატლანტის ოკეანეში 18 ივნისს გაუჩინარდა. ამ დროიდან მოყოლებული წყალქვეშა ნავს მაშველები ეძებენ და გავრცელებული ინფორმაციით, გაუჩინარებული ხომალდის საპოვნელად მასიური ოპერაცია მიმდინარეობს. წყალქვეშა ნავზე 5 ადამიანი იმყოფება, ჟანგბადის მარაგი კი ცოტა ხნის წინ ამოიწურა.

ბრაიან სასი, რომლის მამინაცვალიც დაკარგულ 5 ადამიანს შორისაა, ცოტა ხნის წინ საყვარელი ბენდის კონცერტს დაესწრო. ამის შესახებ ბრაიანმა ფეისბუქზე თავად დაწერა. პოსტს საზოგადოების მხრიდან უარყოფითი რეაქცია მოჰყვა, რის შემდეგაც ბრაიანმა პოსტი წაშალა.

"შეიძლება, ჩემი აქ ყოფნა საზიზღრად მოგეჩვენოთ, თუმცა ჩემს ოჯახს სურს, რომ Blink-182-ის კონცერტს დავესწრო. ეს ჩემი საყვარელი ბენდია და რთულ დროს მუსიკა მეხმარება", — დაწერა ბრაიანმა ფეისბუქზე. კომენტარებში კი ისიც აღნიშნა, რომ სახლში ჯდომა და ახალი ამბების მოსმენა მისთვის გაუსაძლისია.

შეგახსენებთ, რომ გაუჩინარებული წყალქვეშა ხომალდი, რომელიც ტურისტულ კომპანია OceanGate-ს ეკუთვნის, დაახლოებით, სატვირთო მანქანის ზომისაა. გავრცელებული ინფორმაციით, წყალქვეშა ნავს 2 საათი სჭირდება, რომ ტიტანიკის ნანგრევებიდან წყლის ზედაპირზე ამოვიდეს, ხოლო თუ წყალქვეშა ნავი ახლა წყლის სიღრმეშია, მის ამოყვანასაც ძალიან დიდი დრო დასჭირდება.

ასევე იხილეთ: