არგენტინელი ფეხბურთელი დიეგო მარადონა გასულ კვირას კუბას სტუმრობდა, საიდანაც რუსეთში ვლადიმერ პუტინთან შესახვედრად გაემგზავრება.

რუსეთში მარადონა საკუთარ ადვოკატებთან ერთად ჩავა.

ერთ-ერთ გამოცემასთან ინტერვიუს დროს კი აღიარებს, რომ ის რუსეთის პრეზიდენტის, ვლადიმერ პუტინის დიდი თაყვანისმცემელია.

როგორც ირკვევა პუტინმა მარადონას 2018 წლის ფეხბურთის მსოფლიო ჩემპიონატისთვის დახმარება სთხოვა, რაზეც მისგან დადებითი პასუხი მიიღო.

"პუტინმა დამირეკა და მთხოვა, რომ 2018 წლის ფეხბურთის მსოფლიო ჩემპიონატის სამზადისში დავხმარებოდი. გამომდინარე იქიდან, რომ მე პუტინის დიდი ფანი ვარ, მის თხოვნას აუცილებლად შევასრულებ. რამდენიმე თვის წინ ის პირადად დამიკავშირდა. ვთვლი, რომ ამ თემაზე სასაუბროდ მას პირადად უნდა შევხვდე", ამბობს მარადონა.

აღსანიშნავია, რომ მარადონა კუბაში პირველად არ იმყოფება, ის ხშირად სტუმრობს ჰავანას, გარდა ამისა ბევრჯერ უთქვამს, რომ გიჟდება ვენესუელაზე და უგო ჩავესის გარდაცვალებამდე ხშირად სტუმრობდა კარაკასს.