რატომ არის მნიშვნელოვანი: დღეს კინოცენტრმა ვრცელი განცხადება გაავრცელა, სადაც გოეთეს ინსტიტუტის საიტზე აღნიშნულ ინფორმაციას, რომ გაგა ჩხეიძე თანამდებობიდან უკრაინის მხარდაჭერის გამო გათავისუფლდა, "სიცრუე და ფარისევლური" ბრალდება უწოდა.

  • გაიმეორეს წულუკიანის უწყების მტკიცება, რომ ჩხაიძე თანამდებობიდან კულტურის სამინისტროს შიდა აუდიტის ანგარიშის საფუძველზე გათავისუფლდა.
  • ასევე, დაწერეს, რომ "იტოვებენ უფლებას, გადასინჯონ თავისი გადაწყვეტილება გაგა ჩხაიძეს დირექტორობით ჩატარებული კინოფესტივალის დაფინანსების გაგრძელების თაობაზე".

დეტალები: დავით დავითაური ფეისბუქგვერდზე წერს, რომ კინოცენტრის პოსტი თანამშრომელთა პოზიციას არ წარმოადგენს.

  • "ასევე ფაქტი, რომ ერთი ორგანიზაციის სახელით, სხვა ზემდგომი ორგანიზაცია ფეისბუქზე მსგავს ტექსტს დებს არის სრულიად სამარცხვინო იმ სხვა სამარცხვინო ამბებთან ერთად რაც ბოლო დროს მოხდა", — აღნიშნავს ის.
  • კინოცენტრის განცხადებას გაემიჯნა კიდევ ერთი თანამშრომელი, ლევან აბდუშელიშვილი.
  • "მე, როგორც კინოცენტრის თანამშრომელი ვემიჯნები და ვგმობ ორგანიზაციის სახელით გამოქვეყნებულ სამარცხვინო პოსტს", — დაწერა მან.

გაგა ჩხეიძე კინოცენტრის დირექტორის თანამდებობიდან გასული წლის 18 მარტს გაათავისუფლა.

  • მიზეზად აუდიტის დასკვნა დაასახელა, რომლის მიხედვითაც, ფინანსური რესურსების "კანონმდებლობასთან შეუსაბამო ხარჯვის ფაქტები" გამოვლინდა.
  • პირველ ივნისს კი ინსტიტუტმა ჩხეიძე გოეთეს მედლით დააჯილდოვა და მიუთითა, რომ ის უკრაინის მხარდაჭერის გამო გაათავისუფლეს.