ზაფხული ნელ-ნელა უფრო და უფრო ცხელი ხდება, მათ შორის მუსიკალურადაც. საქართველოში უკვე ჩატარდა Tbilisi Open Air, ჯერ კიდევ გრძელდება SOU Festival, ივლისის ბოლოს კი, ტრადიციულად, ჯაზ-ფესტივალიც აიღებს სტარტს.

წელს ჯაზ-ფესტივალი მეთერთმეტედ ჩატარდება და 27 ივლისს დაიწყება. ოთხი დღის განმავლობაში მსოფლიოში ცნობილი მუსიკოსები თქვენს განწყობასა და სასიამოვნოდ დასვენებაზე იზრუნებენ. ზღვის ტალღებში ცურვისა და ცხელ სანაპიროზე ნებივრობის შემდეგ, საღამოს, რეგისა და ჯაზის ვარსკვლავები გაგილამაზებენ.

2017 წლის ღონისძიება ფესტივალის ისტორიაში ერთ-ერთი განსაკუთრებული იქნება. Black Sea Jazz Festival-ის ფარგლებში ბათუმს ისეთი შემსრულებლები ეწვევიან, როგორიცაა Jamiroquai, Joss Stone, Cory Henry და სხვ.

ინფორმაცია შემსრულებლების შესახებ

Joss Stone

ფოტო: Asia Live

გრემის, BRIT AWARD-ისა და მრავალი პრესტიჟული მუსიკალური ჯილდოს მფლობელმა ცნობილმა ბრიტანელმა მომღერალმა ჯოს სთოუნმა (Joss Stone) წარმატებული მუსიკალური კარიერა 2003 წლიდან დაიწყო, მაშინ, როდესაც მუსიკოსის სადებიუტო მულტი-პლატინის ალბომი The Soul Sessions ბრიტანული პრესტიჟული დაჯილდოების Mercury Prize შორთ-ლისტში მოხვდა. მომღერლის მომდევნო მულტი-პლატინის ალბომს Mind Body & Soul წარმატება ასევე სწრაფად ხვდა წილად და გამოსვლიდან ერთი კვირის განამვალობაში ბრიტანული ჩარტების მოწინავე პოზიციებს არ თმობდა. აღნიშნულ ალბომში შესულმა ჰიტმა „YOU HAD ME“. ჯოს სთოუნს გრემის ჯილდო მოუტანა.

2004 წელს მუსიკოსი ყველაზე ახალგაზრდა ბრიტანელი შემსრულებელი გახდა, რომელიც დიდი ხნის განმავლობაში ბრიტანული ჩარტების პირველ ადგილს იკავებდა. 2007 წელს ჯოს სთოუნმა, რიგით მესამე ალბომი, Introducing Joss გამოუშვა, რისთვისაც მუსიკოსმა არაერთი პრესტიჟული ჯილდო მიიღო. ჯოს სთოუნის მომდევნო ალბომმა, Colour Me Free!, დღის სინათლე 2009 წლის ოქტომბერში იხილა, ხოლო რიგით მე-5 ალბომი LP1, მუსიკოსმა 2011 წლის ივლისში გამოუშვა. კარიერის განმავლობაში ბრიტანელმა მომღერალმა ჯოს სთოუნმა მსოფლიოს მასშტაბით 14 მილიონი ალბომი გაყიდა.

Jamiroquai

ფოტო: BBC

ფანკისა და ეისიდ-ჯაზის შემსრულებელი ცნობილი ბრიტანული ჯგუფი Jamiroquai 1992 წელს შეიქმნა. ჯგუფის დაამარსებელი და ლიდერი მუსიკოსი ჯეი ქეია (Jay Kay). 90-იანი წლებიდან დღემდე, ჯგუფი ლონდონის ე.წ. ეისიდ - ჯაზის მოძრაობის წევრია. 1993 წელს Jamiroquai-მ პირველი სტუდიური ალბომი Emergency on Planet Earth გამოუშვა. ამერიკელმა მსმენელმა ის 1996 წელს გამოცემული ალბომით Travelling Without Moving გაიცნო. აღნიშნულ ალბომში შესულია ჯგუფის ყველაზე ცნობილი ორი ჰიტი - Cosmic Girl და Virtual Insanity. ამ უკანასკნელ სინგლზე შექმნილმა ვიდეომ ჯგუფს, 1997 წლის MTV Video Music Awards-ზე, 4 ნომინაციაში (Best Video, Best Special Effects, Best Cinematography, Breakthrough Video) მოუტანა გამარჯვება.

2017 წლის დასაწყისში სოციალურ ქსელებში გამოჩნდა Jamiroquai-ის ახალი ალბომის Automaton-ის თიზერი, რომელიც მიმდინარე წლის მარტში ოფიციალურად გამოვიდა.

2017 წლის იანვარში, ჯგუფის წევრებმა ევროპისა და აზიის ქვეყნებში, გაზაფხული-ზაფხულის, რიგით მეათე, საიუბილეო საფესტივალო ტურნე Automaton Tour დააანონსეს. ტურნე მიმდინარე წლის მაისში ტოკიოში დაიწყო და მის ფარგლებში ჯგუფი კონცერტებს ევროპისა და აზიის სხვადასხვა ქალაქში გამართავს. მნიშვნელოვანია, რომ Jamirquai საქართველოს swored ტურნეს ფარგლებში ეწვევა.

De La Soul

ფოტო: Fact Magazine

ჯაზ-რეპისა და ალტერნატიული ჰიპ-ჰოპის შემსრულებელი ამერიკული ტრიო De La Soul 1987 წელს ნიუ-იორკში შეიქმნა. სწორედ მათ სახელს უკავშირდება ჯაზ-რეპისა და ალტერნატიული ჰიპ-ჰოპის განვითარება. ჯგუფის წევრები არიან: ნიუ-იორკელი რეპერი და პროდიუსერი Kelvin Marcer, David Jude Julicoleur და David Jude Julicoleur.

ტრიოს პირველი ალბომი 3-Feet High and Rising ჰიპ-ჰოპის ხელოვნების ნიმუშად ითვლება. 2006 წელს ჯგუფმა გრემის ჯილდო Gorillaz-თან ჩაწერილი სინგლით Feel Good inc მიიღო.

Cory Henry

ფოტო: Royal Artist Group

გოსპელის, ჯაზისა და ფანკის ცნობილმა ამერიკელმა შემსრულებელმა, ჯაზ-ორღანისტმა და პიანისტმა, კორი ჰენრიმ (CORY HENRY) მუსიკალური კარიერა 2006 წელს დაიწყო. მუსიკოსის კარიერის პირველი ნაბიჯები გოსპელისა და სხვა მუსიკალური ჟანრის შემსრულებელ ცნობილ არტისტებთან (Michael McDonald, P. Diddy, Boyz II Men, Kenny Garrett, The Roots, Israel Houghton, Donnie McClurkin, Kirk Franklin, and Yolanda Adams) ერთად, მასშტაბურ საკონცერტო ტურს უკავშირდება.

კარიერის განმავლობაში, კორი ჰენრის ორი ალბომი აქვს გამოშვებული - First Steps (2014 წელი) და The Revival (2016 წელი), ორივე ალბომმა მსოფლიო ჩარტების მოწინავე პოზიციები სწრაფადვე დაიკავა, კორი ჰენრის სინგლები ტოპ-ჯაზისა და ტოპ-გოსპელის ალბომების ნომინაციებში მოხვდა.

ჩამოთვლილ ვარსკვლავებთან ერთად, ჯაზ-ფესტივალზე Matthew Hartnett და MF ROBOTS წარდგებიან.

ფესტივალის პროგრამა და ბილეთები

კონცერტები 4 დღის განმავლობაში, ყოველ საღამოს, ბათუმის ჩოგბურთის კლუბში ჩატარდება.

ფესტივალის პროგრამა:

  • 27 ივლისი , 19:00 - კლუბი TAKE 5 - CORY HENRY AND THE APOSTLES
  • 28 ივლისი , 19:00 - ბათუმის ჩოგბურთის კლუბი - JAMIROQUAI ; კლუბი TAKE5 Matthew Hartnett;
  • 29 ივლისი , 19:00 – ბათუმის ჩოგბურთის კლუბი DE LA SOUL ; კლუბი TAKE5 Lou Berry;
  • 30 ივლისი , 19:00 – ბათუმის ჩოგბურთის კლუბი - JOSS STONE ; კლუბი TAKE5- MF ROBOTS

ბილეთების გაყიდვა 27 მარტს დაიწყო და ამ დრომდე გრძელდება. მისი შეძენა ონლაინ ვებგვერდზე tkt.ge- ზე შეგიძლიათ. გაითვალისწინეთ, რომ ბილეთების რაოდენობა შეზღუდულია. ამ დროისთვის დარჩენილია 100, 150 და 250 ლარიანი ბილეთები.

შეგახსენებთ, რომ ჯაზ-ფესტივალი 27 ივლისს დაიწყება და 30 ივლისის ჩათვლით გაგრძელდება. Black Sea Jazz Festival-ის ორგანიზატორია კომპანია „ისთერნ პრომოუშენს“ (Eastern Promotions), მისი წარმდგენი კი თიბისი ბანკის პერსონალური საბანკო მომსახურება თიბისი სტატუსია. ფესტივალის მხარდამჭერია საქართველოს კულტურისა და ძეგლთა დაცვის სამინისტრო.