ამის შესახებ ჯანდაცვის მინისტრმა პარლამენტში მინისტრის საათის ფორმატში ისაუბრა.

რატომ არის მნიშვნელოვანი: ზურაბ აზარაშვილმა აღნიშნა, რომ მთავრობა გეგმავს, ონკოლოგიურ მედიკამენტების დაფინანსების 25 000-ლარიანი ლიმიტი გააუქმოს და ამის ნაცვლად, მოქალაქეები მედიკამენტებით სრულად უზრუნველყონ.

  • ამბობს, რომ ამისთვის მთავრობა პირდაპირ მოლაპარაკებებს აწარმოებს მედიკამენტების მწარმოებლებთან.

დეტალები: აზარაშვილის თქმით, მისი მოადგილე უკვე იყო შვეიცარიაში ორ შესაბამის მწარმოებელთან და მოლაპარაკებების საფუძველზე კომპანიასთან პირდაპირი კონტრაქტები მომავალი თვიდან ექნებათ.

  • ამბობს, რომ მათი გათვლებით, 40%-დან 50%-მდე დაზოგავს სახელმწიფო ონკოლოგიურ მედიკამენტებზე გადასახდელ ფასს.
  • "შესაბამისად, ჩვენ გვექნება შესაძლებლობა, რომ ონკლოგიურ მედიკამენტებზე დაწესებული 25 000-ლარიანი ლიმიტი საერთოდ გავაუქმოთ და სრულად უზრუნველვყოთ ჩვენი მოქალაქეებისთვის მედიკამენტებით დაკმაყოფილება", — განაცხადა ჯანდაცვის მინისტრმა.