ინფორმაციას საქართველოს პროკურატურა ავრცელებს.

რატომ არის მნიშვნელოვანი: 26 ნოემბერს ხაშურის მუნიციპალიტეტის სოფელ ცხრამუხაში, სურამისა და ხაშურის ეპარქიის დედათა მონასტერში ორი პირი შეიჭრა.

  • თავდამსხმელები ფიზიკურად გაუსწორდნენ მონასტრის წინამძღვარს და მონაზვნებს, ერთ-ერთი მრავლობითი დაზიანებებით საავადმყოფოშია გადაყვანილი.
  • დაკავებულებს ბრალი ყაჩაღობისა და გაუპატიურების მუხლით ჰქონდათ წარდგენილი.
  • 28 ნოემბერს მათ პატიმრობა შეეფარდათ.

პროკურატურის ინფორმაციით, ხაშურის რაიონულმა სასამართლომ სრულად გაიზიარა მათ მიერ წარდგენილი მტკიცებულებები, მონაზვნის გაუპატიურებისა და ყაჩაღობის საქმეში ბრალდებულები დამნაშავედ ცნო და 20-20 წლით თავისუფლების აღკვეთა შეუფარდა.

  • უწყების ცნობით, დადასტურდა, რომ 2022 წლის 25 ნოემბერს ხაშურის მუნიციპალიტეტის სოფელ ცხრამუხაში მდებარე ეკლესიის კელიაში ორი პირი მონაზონს თავს დაესხა.
  • მას ფიზიკური შეურაცხყოფა მიაყენეს, ძალადობით, ჯგუფურად გააუპატიურეს, ასევე, ეკლესიის შესაწირი ყუთები გაიატეს და მიიმალნენ.
  • ბრალდებულები გასული წლის 22 ნოემბერს დააკავეს.