ამის შესახებ ირაკლი კობახიძემ ბრიფინგზე განაცხადა.

რატომ არის მნიშვნელოვანი: 4 მაისს საქართველოს პრემიერმინისტრი უნგრეთის დედაქალაქში მიმდინარე კონსერვატორთა კონფერენციის ერთ-ერთი სპიკერი იყო.

  • სადაც ღარიბაშვილმა საერთაშორისო ტრიბუნა ჰომოფობიური გზავნილების გასაჟღერებლად გამოიყენა.
  • პრემიერმინისტრის კონფერენციაზე გამოსვლას კრიტიკა მოჰყვა როგორც ოპოზიციაში, ისე საერთაშორისო ორგანიზაციებში.
  • ევროპელმა სოციალისტების პარტიამ დაგმო ირაკლი ღარიბაშვილის გადაწყვეტილება, კონსერვატიული პოლიტიკური სამოქმედო კონფერენციაში (CPAC) მიღების შესახებ და თქვა, რომ ეს ეწინააღმდეგება ევროპულ და პროგრესულ ღირებულებებს.
  • განაცხადეს, რომ პოლიტიკურ გაერთიანებაში ქართული ოცნებისთვის სტატუსის შეჩერებაზე ერთსულოვნებაა და ოცნებას არავინ უჭერს მხარს.

დეტალები: კობახიძის თქმით, მათი მხრიდან გაისმა საჯარო მუქარა თანამშრომლობის გადახედვის შესახებ, რასაც წინ არ უძღოდა არავითარი ორმხრივი კომუნიკაცია და პარტიის ცალკეული წარმომადგენლები რეგულარულად უერთდებოდნენ ოპოზიციის მხარდამჭერ პოლიტიკურ კამპანიებს.

  • მისი განმარტებით, ევროპის სოციალისტური პარტიის ხელმძღვანელების ამგვარი ქმედება და დამოკიდებულება მათთვის პრინციპულად მიუღებელია.
  • ამბობს, რომ 2015 წლიდან, მას შემდეგ, რაც ქართული ოცნება ევროპის სოციალისტური პარტიის დამკვირვებელი წევრია, მათ არც ერთი განცხადება არ გაუკეთებიათ ქართული ოცნების მხარდასაჭერად.
  • პარტიის თავმჯდომარის თქმით, დღეიდან ქართული ოცნება თანაბარ საწყისებზე ითანამშრომლებს ყველა ევროპულ პარტიასთან იმ საგარეო პოლიტიკური მიზნების მისაღწევად, რომელიც ქვეყანას, საზოგადოებასა და ხელისუფლებას აქვს დასახული.
  • "მართალია, ევროპული სოციალისტებიდან ნაკლები ევროპარლამენტარი უჭერდა მხარს შესაბამის რეზოლუციებს, მაგრამ თქვენ კარგად მოგეხსენებათ, როგორ იყიდებოდა ეს ყველაფერი ქართულ საზოგადოებაში", — თქვა კობახიძემ.
  • მისივე თქმით, ბევრად უფრო მძიმე იყო, როცა მათი მესამედი უჭერდა მხარს ქართული ოცნების საწინააღმდეგო რეზოლუციას, ვიდრე EPP მთელი თავისი შემადგენლობით გამოდიოდა მათ წინააღმდეგ.
  • იმიტომ, რომ EPP-ის წევრია ნაციონალური მოძრაობა და ევროპული საქართველო.