საფრანგეთის ქალაქ ნანტის ავტობუსის მძღოლებმა 38 გრადუსიან სიცხეში შორტების ჩაცმა გადაწყვიტეს, თუმცა სატრანსპორტო სამსახურის უფროსმა მათ დრესკოდი შეახსენა და უთხრა, რომ კაცებს სამსახურეობრივი მოვალეობის შესრულების დროს შორტების ჩაცმის უფლება არ აქვთ.

სწორედ ამიტომ კაცმა მძღოლებმა მარტივი გამოსავალი მონახეს და სამსახურში მოკლე კაბებით გამოცხადდნენ.

"გვითხრეს, რომ სამსახურში შორტებს ვერ ჩავიცვამდით, სწორედ ამიტომ, ყველაზე ოპტიმალური გამოსავალი კაბა იყო", ამბობს ერთ-ერთი მძღოლი.

"ჩვენი უფროსების ოფისში კონდეციონერია დამონტაჟებული, შესაბამისად, ისინი ვერ გრძნობენ იმ სიცხეს, რომელთან შეხებაც ჩვენ გვაქვს. წარმოიდგინეთ, ხანდახან საჭესთან შვიდ საათზე მეტს ვატარებთ. ჩვენ შორტების ჩაცმის უფლების მოპოვებას 2013 წლიდან ვცდილობთ, მაგრამ ჯერ-ჯერობით უშედეგოდ", ამბობს მძღოლი გაბრიელ მაგნერი.