ინფორმაციას ტელეგრამზე კიევის სამხედრო სამოქალაქო ადმინისტრაციის უფროსი სერგეი პოპკო ავრცელებს.

რატომ არის მნიშვნელოვანი: ეს პირველი შემთხვევა არ არის, როდესაც რუსეთი უკრაინის დედაქალაქსა და სხვა ქალაქებს დრონებით ესხმის თავს.

  • არსებული ინფორმაციით, შეტევას ნგრევა მოჰყვა — დაზიანებულია საცხოვრებელი კორპუსი და მანქანები.
  • დაშავებულია 5 ადამიანი.

დეტალები: პოპკოს ინფორმაციით, საჰაერო თავდასხმა 3,5 საათზე მეტხანს გაგრძელდა. წინასწარი ინფორმაციით, ეს ირანული Shahed-ის ტიპის უპილოტო საფრენი აპარატები იყო.

  • მისივე ცნობით, დედაქალაქის საჰაერო სივრცეში მტრის 30-ზე მეტი დრონი აღმოაჩინეს.
  • გარდა ამისა, კიევის სვიატოშნისკის რაიონში, სავარაუდოდ, დრონის ნამსხვერები ჩამოვარდა, რის გამოც დაზიანებულია 7 მანქანა.
  • სოლომენსკის რაიონში დაზიანდა საწვავის ავზი.
  • ამ ეტაპზე, ქალაქის ყველა რაიონში ნგრევისა და მსხვერპლის შესახებ ინფორმაციები ზუსტდება.