ამის შესახებ ინფორმაციას თბილისის მერია ავრცელებს.

რატომ არის მნიშვნელოვანი: ინფორმაცია, რომ წერეთლის გამზირის რეაბილიტაციისას, დიდუბის პანთეონის მიმდებარედ სამარხები აღმოაჩინეს, სოციალურ ქსელში დღეს გავრცელდა.

  • მერიის ინფორმაციით, აღმოჩენილია 12-მდე აკლდამა და ისინი მე-19, მე-20 საუკუნისაა.
  • ამჟამად აკლდამებს სპეციალისტები იკვლევენ.

დეტალები: არქეოლოგი მერაბ ძნელაძე ამბობს, რომ ნაგებობები ძველი საკომუნიკაციო ქსელების გაყვანილობის გამო მეტ-ნაკლებად დაზიანებულია.

  • "ამჟამად მიმდინარეობს მათი დეტალური შესწავლა და დამატებით ინფორმაციას ახლო მომავალში გაცნობებთ", — ამბობს ის.
  • მერიაში აცხადებენ, რომ აკლდამების კვლევა უახლოეს მომავალში დასრულდება.