აზერბაიჯანელი ჟურნალისტი, ხადიჯა ისმაილოვა ფეისბუქზე წერს, რომ საქართველოში მიმავალი რადიო თავისუფლების ყოფილი პროდიუსერი კამრან მაჰმუდოვი საზღვარზე დააკავეს. სასაზღვრო გამშვებ პუნქტთან მას განუცხადეს, რომ იგი ძებნილი იყო:

"წლების განმავლობაში, ჩვენ ერთად ვმუშაობდით რადიო თავისუფლების აზერბაიჯანის ბიუროში. მე რედაქტორი ვიყავი, ის პროდიუსერი. ბაქოს სტუდიის დახურვის შემდეგ, კამრანი სხვადასხვა მედიაში მუშაობდა ჟურნალისტად. იგი ცნობილი ჟურნალისტი იყო და სხვა მიზეზი არ არსებობს მის დასაპატიმრებლად".

ისმაილოვა წერს, რომ ამჟამად მაჰმუდოვი პოლიციაში იმყოფება. მისი ინფორმაციით, პოლიციამ კამრანის ადვოკატს უთხრა, რომ მაჰმუდოვი ძებნილთა სიაში იყო. მოგვიანებით ადვოკატმა თქვა, რომ მაჰმუდოვი არ იყო ძებნილი, თუმცა მას არ შეეძლო აზერბაიჯანის დატოვება.