რატომ არის მნიშვნელოვანი: პენტაგონის განმარტებით, წვრთნები აშშ-ში განთავსებული ძალების სტრატეგიულ განლაგებაზე, არმიის მარაგების გამოყენებასა და ევროპელ მოკავშირეებთან და პარტნიორებთან თავსებადობის გაზრდაზეა ფოკუსირებული.

  • 5 აპრილს გამართულ ბრიფინგზე პენტაგონის წარმომადგენელმა განაცხადა, რომ სწავლებაში მონაწილეობას დაახლოებით 9 ათასი ამერიკელი, ხოლო 26 პარტნიორი და მოკავშირე ქვეყნიდან 17 ათასი სამხედრო მიიღებს.
  • 30 აპრილს თავდაცვის მინისტრმა ქართული შეიარაღებული ძალების დღესთან დაკავშირებულ ღონისძიებაზე ჟურნალისტებთან საუბრისას სწავლებაში საქართველოს არმონაწილეობა ხარჯებით ახსნა.

  • როგორც ჯუანშერ ბურჭულაძემ თქვა, საქართველო წელს 20 საერთაშორისო სწავლებაში მონაწილეობს, გასულ წელს კი 6 საერთაშორისო სწავლებას უმასპინძლეს, "ასე რომ, ამით სპეკულირებას პერსპექტივა არა აქვს".

დეტალები: იმავეს იმეორებენ დღესაც. ამბობენ, რომ თავდაცვის ძალები მუდმივად მონაწილეობენ და მასპინძლობენ საერთაშორისო წვრთებს, ხოლო ამ საკითხზე გამოხმაურებებს "ცალკეული საინფორმაციო საშუალებებისა და პოლიტიკური დღის წესრიგით მოქმები პირების" პროვოკაციას უწოდებენ.

  • რაც შეეხება Dedender 2023-ს, როგორც უწყებაში აცხადებენ, "თავდაცვის ძალების მიზნებიდან და ამოცანებიდან გამომდინარე", სტრატეგიულ პარტნიორთან რეკომენდაციით გადაწყდა, რომ მეტი ძალისხმევა და რესურსი საერთაშორისო და ადგილობრივ სწავლებებზე მიმართულიყო.
  • "...რომლებიც უფრო მეტად ითვალისწინებენ ზემოთ აღნიშნულ ამოცანებს, მათ შორის საბრძოლო მზადყოფნის გაზრდას, ნატოს წევრ და პარტნიორ ქვეყნებთან ურთიერთთავსებადობის ამაღლებას, გამოცდილების გაზიარებას და პროფესიული უნარების გაუმჯობესებას", — ნათქვამია განცხადებაში.

გამოხმაურებები: დღეს პლენარულ სხდომაზე სტრატეგია აღმაშენებლის დეპუტატმა, თეონა აქუბარდიამ თქვა, რომ სამხედრო სწავლებაში არმონაწილეობით თავდაცვის სამინისტრომ კრემლს გაუგონარი საჩუქარი მიართვა.

  • დეპუტატი ამბობს, საქართველო წლებია მონაწილეობს წვრთნებში და სიცრუეა, როდესაც თავდაცვის უწყება სწავლებაზე მონაწილეობაზე უარის მიზეზად ლოჯისტიკური ხარჯებს ასახელებს.
  • დროას ლიდერის, ელენე ხოშტარიას განცხადებით კი, NATO-ს წვრთნებში მონაწილეობაზე უარის თქმა არის კიდევ ერთი უტყუარი ნიშანი ხელისუფლების პრორუსულობის.
  • "Defender არის ძალიან მასშტაბური და უმნიშვნელოვანესი წვრთნა და არ არსებობს მიზეზი რატო არ უნდა მიიღო მონაწილეობა გარდა რუსეთის მაამებლობისა", — ამბობს ის.