რატომ არის მნიშვნელოვანი: უცნობის ორგანიზებული სახელისუფლებო აქცია პრორუსული და ანტიდასავლური შინაარსის იყო, სადაც ანტილიბერალური და ჰომოფობიური გზავნილები ჟღერდებოდა.

  • სცენიდან ისმოდა ქართული ოცნებისა და მათი ლიდერების ქებაც და მმართველი გუნდის პროპაგანდისტული ნარატივები მშვიდობაზე.
  • არც მმართველმა ძალამ დააყოვნა და უცნობს აქცია მოუწონა.

კალაძემ მადლობა გადაუხადა მონაწილეებს და მათ უწოდა ადამიანები, ვისთვისაც "მშვიდობა და სამშობლო უპირველესია".

  • მისი მტკიცებით, უცნობის ორგანიზებულ აქციზე მშვიდობისა და ქვეყნის წარმატების მოსურნეები იყვნენ შეკრებილი.
  • ასევე, ირწმუნება, რომ საქართველოს ხელისუფლება "გარკვეული წინააღმდეგობების მიუხედავად" ქვეყნის მშვიდობის შესანარჩუნებლად ყველაფერს გააკეთებენ.
  • "მინდა, ყველა იმ ადამიანს გადავუხადო მადლობა, ვინც გამსჭვალულია პატრიოტიზმით, ვისაც უხარია ჩვენი ქვეყნის წარმატება, ეკონომიკური განვითარება", — ამბობს ის.