ნუცა ბუზალაძე American Idol-ს გამოეთიშა. ქართველი მომღერალი შოუს 12 ფინალისტს შორის მოხვდა, თუმცა შემდეგ ეტაპზე ვეღარ გადავიდა, რომელშიც მონაწილეობას 10 კონკურსანტი იღებს.

ნუცა ბუზალაძემ Queen-ის ცნობილი ჰიტი The show must go on შეასრულა. American Idol ნუცასთან ერთად დანიელმა მომღერალმა Lucy Love-მაც დატოვა. American Idol-ის 30 აპრილის გადაცემის შემდეგ დარჩენილ მონაწილეებს ფინალამდე კიდევ 5 ეტაპის გადალახვა მოუწევთ.

კონკურსის დატოვების შემდეგ ნუცას ფოტო American Idol-ის ფეისბუქის გვერდმა გამოაქვეყნა. "მოგვენატრება ნუცას შესრულება", — ვკითხულობთ ფოტოს აღწერაში.

ნუცა ბუზალაძე 2014 წელს "ახალი ტალღის" გამარჯვებული გახდა. ნუცას ასევე მონაწილეობა აქვს მიღებული რუსულ კონკურსში Nu-ka, vse vmeste.