დანაშაულის ჩამდენი პირი სამართალდამცველებმა 22 აპრილს დააკავეს.

რატომ არის მნიშვნელოვანი: პროკურატურის ცნობით, გამოძიებით დადგინდა, რომ ბრალდებული ფიზიკური ძალადობითა და ძალადობის მუქარით ბებიის მიმართ სისტემატურად ახორციელებდა სექსუალური ხასიათის სხვაგვარ ქმედებებს.

  • დანაშაულის დაფარვის მიზნით კი დაზარალებულს მისი ნების საწინააღმდეგოდ, სიცოცხლის მოსპობის მუქარით, საძინებელ ოთახში კეტავდა.

დეტალები: დაკავებულს ბრალად ედება ოჯახის წევრის მიმართ ძალადობითა და ძალადობის მუქარით ჩადენილი სექსუალური ხასიათის სხვაგვარი ქმედება, თავისუფლების უკანონო აღკვეთა, ჩადენილი სხვა დანაშაულის დაფარვის მიზნით და სიცოცხლისა და ჯანმრთელობისთვის საშიში ძალადობის გამოყენების მუქარით.

  • დანაშაული 7-დან 10 წლამდე პატიმრობას ითვალისწინებს.
  • პროკურატურის განცხადებით, ბრალდებულის ფსიქიკური ჯანმრთელობის შეფასების მიზნით სასამართლო-ფსიქიატრიული ექსპერტიზა დაინიშნა.

ოჯახში ძალადობა არ გულისხმობს მხოლოდ ფიზიკურ შეხებას. ოჯახის წევრის მხრიდან ფსიქოლოგიური ზეწოლა, მუქარა, შანტაჟი, სიტყვიერი შეურაცხყოფა, ასევე, ძალადობაა და კანონით აკრძალულია.

  • ოჯახში ძალადობის შემთხვევაში პოლიციის გამოძახება შესაძლებელია 112-ზე დარეკვით. ზარი უფასოა.
  • საკონსულტაციო მომსახურების გაწევის მიზნით ფუნქციონირებს ცხელი ხაზი — 116 006.

საჭიროების შემთხვევაში შეგიძლიათ, დარეკოთ შემდეგ ნომრებზე:

  • საფარის უფასო იურიდიული დახმარება — 0322 30 76 03; 599 40 76 03;
  • სახალხო დამცველის ცხელი ხაზი — 1481.