ინფორმაციას თბილისის მერია ავრცელებს.

რატომ არის მნიშვნელოვანი: წერეთლის გამზირის რეაბილიტაციის პროცესი 18 აპრილს დაიწყო და უკვე დედაქალაქში მასშტაბური საცობების მიზეზი გახდა.

  • მერის მოადგილე ამბობს, რომ სრული სარეაბილიტაციო სამუშაოები იანვარში დასრულდება, ანუ წინ მინიმუმ 9 თვეა.
  • მისივე თქმით, წერეთლის გამზირზე 28 მილიონ 400 ათასი ლარი აქვთ გამოყოფილი, ხოლო შოთა შალიკაშვილის სახელობის ხიდის რეაბილიტაციისთვის, დაახლოებით, 4 მილიონ 200 ათასი ლარი.

დეტალები: აქამდე მერიის განცხადებაში ნათქვამი იყო, რომ მოძრაობა სავალი ნაწილის ორივე მხარეს მონაცვლეობით შეიზღუდება, გიორგი ცაბაძის ქუჩიდან შოთა შალიკაშვილის სახელობის ხიდის ჩათვლით.

  • ახლა ამბობენ, 25 აპრილის 23:00 საათიდან სამი დღის განმავლობაში, გიორგი ცაბაძის ქუჩის გარკვეულ მონაკვეთზე საავტომობილო მოძრაობა ნაწილობრივ შეიზღუდება.
  • სამუშაოების ფარგლებში, მოძრაობა შესაძლებელი იქნება ცალმხრივად.
  • კერძოდ, დინამო არენას მიმდებარე ტერიტორიიდან მტკვრის მარცხენა სანაპიროს მიმართულებით — დიმიტრი ყიფიანის ქუჩისა და აღმაშენებლის გამზირის კვეთის გავლით, ხოლო საპირისპირო მიმართულებით, მტკვრის მარცხენა სანაპიროდან დინამო არენასკენ გადაადგილება დროებით შეიზღუდება.

რეაბილიტაციის პერიოდში, ავტომობილებისა და საზოგადოებრივი ტრანსპორტის გადაადგილებისთვის აკაკი წერეთლის გამზირზე მოძრაობა დარჩება ორმხრივი, თითო მიმართულებისთვის გამოყოფილი იქნება მხოლოდ ერთი სამოძრაო ზოლი.

  • ავტომობილების მოძრაობა პერიოდულად შეიზღუდება საგურამოს, არჩილ ქურდიანის, ბათუმის, არჩილ კერესელიძის, სულიკო კოროშინაძისა და წყალტუბოს ქუჩებიდან წერეთლის გამზირის მიმართულებით და პირიქით.
  • საგურამოს, არჩილ ქურდიანის და ბათუმის ქუჩებიდან ავტომობილები გადაადგილებას შეძლებენ, ვლადიმერ მაიაკოვსკის ქუჩიდან გიორგი ცაბაძის ქუჩის მიმართულებით.
  • დამატებითი ინფორმაციის ნახვა შეგიძლიათ აქ.