პარლამენტის პლენარულ სხდომაზე კომისიის შექმნისათვის კვორუმი კვლავ ვერ შედგა.

რატომ არის მნიშვნელოვანი: აშშ-ის სახელმწიფო დეპარტამენტმა გავლენიანი ქართველი მოსამართლეები, ე.წ კლანის წევრები, ლევან მურუსიძე, მიხეილ ჩინჩალაძე, ირაკლი შენგელია და ვალერიან ცერცვაძე "მნიშვნელოვან კორუფციულ საქმიანობაში ჩართულობის გამო" დაასანქცირა.

  • სახდეპის განცხადებით, ქართველმა მოსამართლეებმა ბოროტად გამოიყენეს თანამდებობა, როგორც სასამართლოს თავმჯდომარეებმა და იუსტიციის უმაღლესი საბჭოს წევრებმა.
  • ოპოზიცია ითხოვს, შეიქმნას საგამოძიებო კომისია, რომლის მიზანიც სასამართლო სისტემაში არსებული კორუფციული ფაქტებისა და სამართალდარღვევების შესწავლა იქნება.

დეტალები: კომისიის შექმნას 50 დეპუტატის მხარდაჭერა სჭირდებოდა, თუმცა კენჭისყრა კვორუმის არარსებობის გამო ჩაიშალა.

  • ქართული ოცნების წევრმა, მამუკა მდინარაძემ თქვა, რომ მოსამართლეებს კიდევ ერთხელ უცხადებენ სოლიდარობას და ქართულმა ოცნებამ არ გაიარა რეგისტრაცია.
  • "ოცნებამ" კენჭისყრა 18 და 19 აპრილსაც ჩააგდო.