BBC-ის ინფორმაციით, უკრაინის უსაფრთხოების სამსახურმა განაცხადა, რომ უკრაინისა და პოლონეთის საზღვართან მათ ფრანგი მამაკაცი დააკავეს გასულ თვეში, რომელიც ევრო 2016-ზე თავდასხმას გეგმავდა.

უსაფრთხოების სამსახურის ხელმძღვანელის ვასილ ჰრიცაკის თქმით, დაკავებულს აქვს ულტრანაციონალისტური შეხედულებები და ჩემპიონატზე 15 თავდასხმა ჰქონდა განზრახული.

ფოტო: SBU

დაკავებისას სამართალდამცავებმა დიდი რაოდენობის იარაღი ამოიღეს, მათ შორის დეტონატორები და 125კგ ასაფეთექებელი ნივთიერება TNT.

ფრანგული მედიის ინფორმაციით, დაკავებულს სახელად გრეგორი ჰქვია და 25 წლისაა. მათივე ცნობით, დაკავებულს არ აქვს კრიმინალური წარსული.

2016 წლის ევროპის ჩემპიონატს საფრანგეთი უმასპინძლებს და პირველი მატჩი პარასკევს, 10 ივნისს დაიწყება.