ბადრი კოჭლამაზიშვილი ექსპრეზიდენტი სააკაშვილის საქმის მოსამართლეა.

რა ხდება: მოსამართლე მიიჩნევს, რომ აშშ-ში ვიზიტმა პოლიტიკური ელფერი შეიძინა, რის გამოც იქ გამგზავრებაზე უარს ამბობს.

  • იგი აშშ-ში სასწავლო ვიზიტით უნდა გამგზავრებულიყო.
  • "იქიდან გამომდინარე, რომ უკანასკნელ დღეებში აღნიშნულმა ვიზიტმა შეიძინა მკვეთრად პოლიტიკური მნიშვნელობა და მოსამართლეთა ნაწილის წასვლა ან წაუსვლელობა გახდა პოლიტიკური შეფასების საგანი, ჩემი პროფესიის მკაცრი სპეციფიკურობის გათვალისწინებით, უარს ვაცხადებ მონაწილეობა მივიღო ისეთ ვიზიტში, რომელმაც პროფესიული დანიშნულების გარდა შეიძინა პოლიტიკური შინაარსიც", — განაცხადა მან.

რატომ არის მნიშვნელოვანი: კოჭლამაზიშვილი უკვე მეოთხე მოსამართლეა, რომელიც აშშ-ში სასწავლო ვიზიტზე უარს ამბობს.

  • 12 აპრილს 10 ქართველი მოსამართლე კი აშშ-ში საქმიანი ვიზიტით იმყოფებოდა.
  • ვიზიტი მიზნად ისახავდა გამოხატვის თავისუფლების ირგვლივ გამოცდილების გაზიარებას, მოსამართლეები დაესწრნენ სასამართლო სხდომებს და შეხვდნენ აშშ-ის სასამართლო ექსპერტებს.