ამის შესახებ ინფორმაციას რუსული სახელმწიფო-პროპაგანდისტული მედია ავრცელებს.

რატომ არის მნიშვნელოვანი: ქართული წარმოშობის რუსეთში მოღვაწე მომღერალი, რუსეთის სახალხო არტისტი ვალერი მელაძე ესტრადის იმ ცნობილ სახეებს შორის იყო რომლებმაც უკრაინაში ომი დაგმეს.

  • 24 თებერვალს მან ვიდეომიმართვა გაავრცელა, რომელშიც საომარი მოქმედებების შეწყვეტას და მოლაპარაკების მაგიდასთან დაჯდომას ითხოვდა.
  • 3 იანვარს რუსეთში ვალერი მელაძისთვის მოქალაქეობის ჩამორთმევას ითხოვდნენ.
  • 2 იანვარს სოციალური ქსელებით გავრცელდა ვიდეო, რომელშიც მელაძე სიტყვებს: დიდება უკრაინა (Слава Україні!), პასუხობს: დიდება გმირებს (Героям слава!).
  • რის შემდეგაც — 25 იანვარს მას მოსკოვში კონცერტი გაუუქმეს.

დეტალები: რუსული მედიის ცნობით, რუსეთის უსაფრთხოებისა და ანტიკორუფციული საზოგადოებრივი ორგანიზაციის ფედერალური პროექტის ხელმძღვანელმა, ვიტალი ბოროდინმა აღნიშნა, რომ მელაძემ არაერთხელ გააკრიტიკა "სპეცოპერაცია უკრაინაში".

  • ასევე წარმოთქვა უკრაინელი ნაციონალისტების ლოზუნგი არაბეთის გაერთიანებულ საემიროებში წვეულების დროს.
  • TASS-ის ცნობით, გენერალურმა პროკურატურამ მოსკოვის პროკურატურას მომღერალ ვალერი მელაძეს უკრაინის შეიარაღებული ძალების დაფინანსების შემოწმება დაავალა.
  • "ამჟამად მოსკოვის პროკურატურას დაევალა მელაძე ვ.შ.-ს წინააღმდეგ აუდიტის ჩატარება უკრაინის შეიარაღებული ძალებისთვის ფინანსური დახმარების გაწევის მიზნით", — განმარტეს რუსულმა სამსახურებმა.
  • პროპაგანდისტული მედიის ცნობით, მარტის ბოლოს გავრცელდა ინფორმაცია, რომ მომღერალ ვალერი მელაძის დაგეგმილი კონცერტები კრასნოიარსკში, ირკუტსკში, ნოვოსიბირსკში, ბარნაულში, კემეროვოსა და დონის როსტოვში გაუქმდა.