ადმინისტრაციულ სამართალდარღვევათა კოდექსის 118-ე მუხლში ცვლილებები შედის.

რატომ არის მნიშვნელოვანი: ამჟამად მოქმედი კოდექსით, თუ მძღოლი მართავს ავტოსატრანსპორტო საშუალებას, რომელსაც დადგენილი წესით არ გაუვლია პერიოდული ტექნიკური ინსპექტირება, ჯარიმდება 50 ლარით.

  • ასეთი სატრანსპორტო საშუალების სხვისთვის სამართავად გადაცემისთვის /საექსპლუატაციოდ გადაცემისთვის / საექსპლუატაციოდ დაშვებისთვის კი ფიზიკური პირი დაჯარიმდება 50 ლარით, იურიდიული პირი ან ინდივიდუალური მეწარმე — 200 ლარით.
  • ახლა მოქმედი კოდექსი აღნიშნული სამართალდარღვევების განმეორებით ჩადენის შემთხვევაში, სანქციას არ ითვალისწინებს.

რა იცვლება: ახალი კოდექსით, თუ ამ სამართალდარღვევებისთვის დაჯარებული პირი 30 დღის შემდეგ განმეორებით ჩაიდენს იგივე ქმედებას, დაჯარიმდება 150 ლარით, ხოლო იურიდიული პირი — 300 ლარით.

  • თუ პირი განმეორებითი დაჯარიმებიდან 30 დღის შემდეგ ისევ დაარღვევს წესს, დაჯარიმდება 300 ლარით, ხოლო იურიდიული პირი — 500 ლარით.
  • კიდევ 30 დღის შემდეგ განმეორების შემთხვევაში კი ფიზიკური და იურიდიული პირებისთვის ჯარიმის ოდენობა 200 ლარით იზრდება.
  • კოდექსის თანახმად, პირს ადმინისტრაციული სახდელი შეიძლება დაედოს შესაბამისი ადმინისტრაციული სამართადარღვევის ჩადენის დღიდან არაუგვიანეს 6 თვისა.
  • ცვლილებები 2023 წლის 4 ივნისიდან ამოქმედდება.