iPlus-ის და Apple City-ს მაღაზიებში ფინანსთა სამინისტროს საგამოძიებო სამსახური შევიდა. როგორც On.ge-ს აღნიშნულ სამსახურში განუცხადეს, მაღაზიებში მეორადი ტელეფონები იყიდებოდა:

"გამოძიება გვაქვს დაწყებული შპს აიპლუსისა და შპს ეფლ სითის მიმართ, ჩვენ ჩავატარეთ რიგი საგამოძიებო მოქმედებები, მათ შორის, განვახორციელეთ საკონტროლო შესყიდვები და ექსპერტიზის დასკვნის შედეგად, ეს ტელეფონები, რომლებიც რეალურად იყიდებოდა როგორც ახალი ტელეფონები, ქარხნულად ახალი არ იყო და იყო ექსპლუატაციაში ნამყოფი".

გამოძიება სისხლის სამართლის კოდექსის 180-ე მუხლით მიმდინარეობს, რაც თაღლითობას გულისხმობს.

iPlus.ge-ს საგამოძიებო სამსახურის ბრალდებას მიზანმიმართულ დისკრედიტაციის მცდელობად აფასებს.