როგორც საერთაშორისო მედიები წერენ, მას სასამართლოს დატოვების შემდეგ კომენტარი არ გაუკეთებია. დონალდ ტრამპი ფლორიდაში გაემგზავრა, სადაც, სავარაუდოდ, მოგვიანებით განცხადებას გააკეთებს.

რატომ არის მნიშვნელოვანი: აშშ-ის ყოფილ პრეზიდენტს, დონალდ ტრამპს 34-პუნქტიანი ბრალი წაუყენეს — ის არც ერთ მათგანს არ აღიარებს.

  • დღეს, 4 აპრილს ტრამპი მანჰეტენის სასამართლოში მივიდა, სადაც ის დააკავეს და ბრალის წაყენებამდე ფორმალურად დააპატიმრეს.
  • სასამართლო პროცესამდე ტრამპმა საკუთარ პლატფორმაზე პოსტი დაწერა: "მივემართებით ქვემო მანჰეტენზე, სასამართლოს შენობაში. ძალიან სურეალური ჩანს — ვაუ, ისინი ჩემს დაკავებას აპირებენ. არ მჯერა, რომ ეს ხდება ამერიკაში".

საქმის დეტალები: ტრამპს ედავებიან პორნომსახიობ სტორმი დენიელსისთვის 2016 წლის არჩევნების დროს 130 000 დოლარის გადახდას, რათა მსახიობს ტრამპთან სავარაუდო ურთიერთობის დეტალებზე არ ესაუბრა.

  • ტრამპის ყოფილმა ადვოკატმა, მაიკლ კოენმა აღიარა, რომ დენიელს დუმილისთვის $130 ათასი გადაუხადა და ამტკიცებს, რომ გარიგებების ინიციატორი თვითონ ტრამპი იყო.

  • დენიელსის თქმით, მას ფული გადაუხადეს, რომ საჯაროდ არ ესაუბრა რომანზე რომელიც ტრამპთან წლების წინ ჰქონდა — ექსპრეზიდენტი ამას უარყოფს.