აშშ-ის ყოფილი პრეზიდენტის სასამართლო პროცესამდე რჩება პატიმრობაში.

რატომ არის მნიშვნელოვანი: დონალდ ტრამპი ამერიკის პირველი პრეზიდენტია, რომელსაც სისხლის სამართლის ბრალდება წაუყენეს.

  • როგორც BBC წერს, ტრამპის ფორმალურად დაკავების შემდეგ, იმართება სხდომა, სადაც მას ოფიციალურად წარუდგენენ ბრალს, ამის შემდეგ ჰკითხავენ, აღიარებენ თუ არა ბრალს. მოსამართლე აღკვეთის ღონისძიებაზე იმსჯელებს.

დეტალები: სასამართლო პროცესამდე ტრამპმა საკუთარ პლატფორმაზე პოსტი დაწერა: "მივემართებით ქვემო მანჰეტენზე, სასამართლოს შენობაში. ძალიან სურეალური ჩანს — ვაუ, ისინი ჩემს დაკავებას აპირებენ. არ მჯერა, რომ ეს ხდება ამერიკაში".

  • დაკავების დროს ტრამპს ხელბორკილები არ დაადეს, რადგან ყოფილი პრეზიდენტის სტატუსით სამართალდამცავი ორგანოების მუდმივი მეთვალყურეობის ქვეშ იმყოფება.

რა ვიცით ტრამპის საქმეზე: ტრამპის ყოფილმა ადვოკატმა, მაიკლ კოენმა აღიარა, რომ დენიელს დუმილისთვის $130 ათასი გადაუხადა და ამტკიცებს, რომ გარიგებების ინიციატორი თვითონ ტრამპი იყო.

  • დენიელსის თქმით, მას ფული გადაუხადეს, რომ საჯაროდ არ ესაუბრა რომანზე რომელიც ტრამპთან წლების წინ ჰქონდა — ექსპრეზიდენტი ამას უარყოფს.
  • არსებული ინფორმაციით, ტრამპმა მაიკლ კოენს ეს თანხა აუნაზღაურა — როგორც BBC წერს, ჩანაწერში ნათქვამია, რომ ეს იყო "იურიდიული საფასური".
  • პროკურორის ოფისი, იკვლევს, დაირღვა თუ არა ტრამპმა სახელმწიფო კანონები გადახდებთან დაკავშირებით.
  • როგორც CNN წერს, ეს სისხლის სამართლის ბრალდება წარმოადგენს ტრამპის სამართლებრივი პრობლემების დრამატულ ესკალაციას, რადგან ის თეთრ სახლში დასაბრუნებლად მუშაობს.
  • ნიუ-იორკში ფულის გამოძიების გარდა, მას ემუქრება ცალკეული სისხლის სამართლის გამოძიებები ატლანტასა და ვაშინგტონში 2020 წლის არჩევნების შედეგების გაუქმების მცდელობის გამო.
  • ხოლო იუსტიციის დეპარტამენტის სპეციალური პროკურორი იძიებს ტრამპის მიერ საიდუმლო დოკუმენტების ფლობას.