ამის შესახებ პრემიერმინისტრმა მთავრობის სხდომაზე თქვა.

რატომ არის მნიშვნელოვანი: მსგავსი განცხადება ღარიბაშვილმა რუსეთის უკრაინაში შეჭრის დღიდან არაერთელ გააკეთა, მათ შორის, ომის დაწყების პირველივე დღეებში.

  • ამით ცდილობდა ის რუსეთის წინააღმდეგ დაწესებული სანქციებზე არშეერთების გამართლებას.

დეტალები: ღარიბაშვილმა მანამდე "ეკონომიკურ სტაბილურობაზე" ისაუბრა, შემდეგ კი თქვა, რომ ეს "არაფერი არ იქნება, თუ არ გვექნება მშვიდობა და სტაბილურობა ქვეყანაში".

  • მისი თქმით, მსოფლიოში არის ძალიან რთული მდგომარეობა, ომი არ ჩერდება, უკრაინის ტერიტორიის დიდი ნაწილი, 20%-ზე მეტი უკვე "გადაქცეულია პოლიგონად".
  • "მიმდინარეობს გამანადგურებელი ომი. ქალაქები, სოფლები, რაიონები სწორდება მიწასთან და ამის შემჩერებელი არავინ არის".
  • ამას კი მოაყოლა ქართული ოცნების ტრადიციული რიტორიკა "ომში ჩართვაზე".
  • "ამიტომ, ის გეგმა, რაც არსებობდა ჩვენს წინააღმდეგ, უკრაინიზაციის გეგმა და მეორე პოლიგონად გადაქცევის გეგმა ჩვენს მტრებს, რა თქმა უნდა, ჩაუვარდათ", — ამტკიცებს ის.