გაეროს უშიშროების საბჭოს 15 წევრი (ქვეყანა) ჰყავს და თითოეულ წევრს აქვს თითო ხმა.

  • გაეროს წესდების თანახმად, ყველა წევრი სახელმწიფო ვალდებულია შეასრულოს საბჭოს გადაწყვეტილებები.
  • თითოეული წევრი რიგრიგობით ხდება პრეზიდენტი და ის ყოველთვიურად იცვლება ანბანური თანმიმდევრობით, ინგლისური ენის მიხედვით.

რატომ არის მნიშვნელოვანი: ბოლოს რუსეთი გასული წლის თებერვალში იყო თავმჯდომარე — სწორედ იმ თვეს, როდესაც უკრაინის წინააღმდეგ სრულმასშტაბიანი ომი დაიწყო.

  • ზოგიერთი ექსპერტის აზრით, ირონიულია, რომ რუსეთი უხელმძღვანელებს ორგანიზაციას, რომელიც საერთაშორისო მშვიდობისა და უსაფრთხოების შენარჩუნებას ცდილობს.
  • ნაწილი კი თვლის, რომ უშიშროების საბჭოს თავმჯდომარეობა ნამდვილად არ არის დიდი საქმე და ეს როტაციულია.

უკრაინის საგარეო საქმეთა მინისტრი, დმიტრო კულება გაეროს უშიშროების საბჭოში რუსეთის თავმჯდომარეობის საკითხთან დაკავშირებით Twitter-ზე წერს, რომ ეს ცუდი ხუმრობაა.

  • "პირველი აპრილიდან გაეროს უშიშროების საბჭოში რუსეთის თავმჯდომარეობა ცუდი ხუმრობაა. რუსეთს უზურპირებული აქვს ეს ადგილი";
  • "ის აწარმოებს კოლონიალურ ომს. მისი ლიდერი სამხედრო დამნაშავეა, რომელიც სისხლის სამართლის საერთაშორისო სასამართლოს მიერ ძებნილია ბავშვების მოტაცებისთვის";
  • "მსოფლიო ვერ იქნება უსაფრთხო, როდესაც რუსეთი გაეროს უშიშროების საბჭოშია"