თბილისის მერმა, დავით ნარმანიამ პეკინის გამზირის მასშტაბურ რეაბილიტაცისთან დაკავშირებით თქვა, რომ პროექტი მაქსიმუმ 10 სექტემბრამდე დასრულდება. ამასთან დაკავშირებით, ნარმანიამ გვიან ღამით სამუშაო შტაბის სხდომა ჩაატარა:

"დაიკეტა პეკინის გამზირის ერთი მხარე, შესაბამისად მოძრაობა გახდა ცალმხრივი. შესაბამისად, მძღოლებს მოვუწოდებთ, რომ მაქსიმალურად თავი აარიდონ ამ მიმართულებით მოძრაობას და გადაადგილდნენ ალტერნატიული მარშრუტებით".

თბილისის მერიის ცნობით, გზის აღდგენისა და ტროტუარის კეთილმოწყობისთვის თბილისის ბიუჯეტიდან სამ მილიონ ლარამდე დაიხარჯება. "რაც შეეხება მიწისქვეშა კომუნიკაციებს, ამას საკუთარი ხარჯებით კომუნიკაციების მფლობელი კომპანიები უზრუნველყოფენ", - აღნიშნა თბილისის მერმა.