ქართულ ოცნებაში რომ საკადრო ცვლილებები იგეგმებოდა, ამაზე საუბარი ჯერ კიდევ გასულ კვირას დაიწყო.

რატომ არის მნიშვნელოვანი: რუსული კანონის ჩაგდების შემდეგ გავრცელდა ინფორმაცია, რომ ქართული ოცნებიდან რამდენიმე დეპუტატი გეგმავდა წასვლას, ნაწილს კი რუსული კანონის მხარდაჭერაზე უარის გამო გაუშვებდნენ.

  • დეპუტატებს შორის, რომლებსაც პარლამენტის მანდატი შეუწყდათ, არიან ისინი, ვინც რუსულ კანონს ან მხარი დაუჭირა, ან უბრალოდ კენჭისყრაში მონაწილეობა არ მიიღო.
  • გადაწყვეტილება დღეს, პარლამენტის პლენარულ სხდომაზე კენჭისყრით მიიღეს.

დეტალები: დეპუტატებიდან ირაკლი კოვზანაძეს უფლებამოსილება საკუთარი მოთხოვნის საფუძველზე შეუწყდა.

  • ხოლო დარჩენილ ოთხს პარლამენტისთვის შეუთავსებელი თანამდებობის გამო.
  • კერძოდ, გიორგი ამილახვარი დაინიშნა განათლებისა და მეცნიერების მინისტრის თანამდებობაზე;
  • გიორგი ხელაშვილი დაინიშნა პარლამენტის თავმჯდომარის მრჩევლად;
  • ნინო იობაშვილი და ვლადიმერ ჩაჩიბაია დაინიშნნენ პრემიერმინისტრის მრჩევლად.