ყოფილი პრემიერის, ბიძინა ივანიშვილის დენდროლოგიურ პარკში გადატანილი ასწლოვანი ტიტას ხე გახმა და მოჭრეს. ამის შესახებ, ოფიციალურად დაუდასტურებელი ინფორმაციით, ადგილობრივი გამოცემა, გურიის მოამბე წერს.

ხის გახმობისა და მოჭრის შესახებ ინფორმაცია გურიის მოამბეს დენდროლოგიურ პარკში დასაქმებულმა ერთ-ერთმა პირმა დაუდასტურა. მისი თქმით, გადატანის შემდეგ ხეს ძალიან ბევრი უმკურნალეს, უწამლეს, სპეციალისტებიც ჩამოსულები იყვნენ, მაგრამ ვერაფერი მოუხერხეს.

On.ge ცდილობს დაუკავშირდეს ქართუ ფონდის პრესსამსახურს, ინფორმაციის დასადასტურებლად.

2016 წლის მარტში, ივანიშვილის დავალებით, ციხისძირიდან შეკვეთილში ასწლოვანი გიგანტური ტიტას ხე გადაიტანეს.