განცხადებას ფრანკლინის კლუბი ფეისბუქგვერდზე აქვეყნებს.

რატომ არის მნიშვნელოვანი: ღარიბაშვილმა რუსული კანონის საწინააღმდეგო აქციის დაშლა-დარბევის შემდეგ პირველად დუმილი, ტრადიციულად, იმედის ეთერში დაარღვია.

  • ის აქციის მონაწილეთა დისკრედიტაციას ცდილობდა და თქვა, რომ ფრანკლინის კლუბში, რომელიც საქართველოს უნივერსიტეტშია შექმნილი, ახალგაზრდებს "წამლავენ" და "ტვინს ურეცხავენ".
  • სწორედ ეს ახალგაზრდები დაადანაშაულა პრემიერმა რუსული კანონის საწინააღმდეგო აქციაზე ძალადობასა და პროვოკაციულ ქმედებებში — ანარქისტები უწოდა და თქვა, რომ სატანისტები ფორმა ეცვათ.
  • ღარიბაშვილს საქართველოს უნივერსიტეტში უკვე უპასუხეს.

დეტალები: ფრანკლინის კლუბის განცხადებით, იმედის ეთერში არაერთხელ გავიდა დეზინფორმაცია მათ შესახებ, რაც 12 პარტს, ირაკლი ჩიხლაძის გადაცემაში ღარიბაშვილის აბსურდული განცხადებებით დაგვირგვინდა.

  • "ეს დეზინფორმაცია აშკარად ატარებს აგრესიულ, შავრაზმულ ხასიათს და ემსახურება ფრანკლინიკის კლუბისგან მტრის ხატის შექმნას", — აცხადებენ ისინი.
  • მათივე თქმით, მსგავსი პროპაგანდა სრულად უპასუხისმგებლოა განათლების ნებაყოფლობით მიმღები ახალგაზრდების მიმართ, რომელთა უმრავლესობაც სკოლის მოსწავლეა.
  • "მოგიწოდებთ, გამოიჩინოთ სამოქალაქო შეგნება და მისცეთ თქვენს მაყურებელს საშუალება, გაიგოს სიმართლე".