პარლამენტში ამბობენ, რომ კენჭისყრაზე კანონის მისაღებად მიცემული ხმა "ტექნიკური პრობლემა" იყო და ეს დიმიტრი სამხარაძემ შესაბამის სამსახურთანაც დააფიქსირა.

რატომ არის მნიშვნელოვანი: რამდენიმე წუთის წინ პარლამენტმა რუსული კანონი მეორე მოსმენით ჩააგდო.

  • გაწვევის გადაწყვეტილება "ოცნებაში" მზარდი საზოგადოებრივი პროტესტისა და საერთაშორისო კრიტიკის ფონზე მიიღეს. თუმცა თქვეს, რომ პარალელურად, "ხალხთან დიალოგს და შემეცნებითი ხასიათის კონსულტაციებს" დაიწყებენ კანონის ავკარგიანობაზე.

დეტალები: პლენარული სხდომა დღეს, 12:00 საათზე გაიმართა — სხდომა პირდაპირ კენჭისყრით, განხილვის გარეშე ჩატარდა, რასაც დეპუტატთა პროტესტი მოჰყვა.

  • მაჭარაშვილმა გამოთქვა ინიციატივა, საკითხი განხილვის გარეშე დაეყენებინათ კენჭისყრაზე, რადგან კანონპროექტთან დაკავშირებით გადაწყვეტილება უკვე მიღებულია.
  • პაპუაშვილის განცხადებით კი "არსებობს საერთო კონსენსუსი" ამიტომ, საკითხი აღარ განიხლება, რადგან პარლამენტი მის ჩაგდებას აპირებს.
  • პარალელურად, აქცია მიმდინარეობს საკანონმდებლო ორგანოსთან.