ვიდეოს სოციალურ ქსელში აქტივისტი, გვანცა გორდეზიანი თავად აქვეყნებს.

გორდეზიანი წერს, რომ მის სახლში, სადაც 3 არასრულწლოვანი იმყოფება, სპეცოპერაცია ტარდება, პოლიცია კი იარაღითაა შევარდნილი.

  • ისინი სპეციალური ეკიპირებით არიან, თუმცა არ აქვთ მაიდენტიფიცირებელი ნიშნები იმის გასარკვევად, თუ რომელ ქვედანაყოფს წარმოადგენენ.
  • არაფერს ამბობენ კითხვაზე, ვისგან მიიღეს სპეცოპერაციის ჩატარების საშუალება, ან რა არის მოტივი და საფუძველი.
  • აქტივისთვის არც რამე დოკუმენტი წარუდგენიათ და არც უწყებას ასახელებენ, თუ ვის დავალებას ასრულებენ.
  • აქტივისტი მათ ეუბნება, რომ სახლში ბავშვები არიან და შეშვებას სთხოვს, თუმცა ამის უფლებას არ აძლევენ.
  • "ცოტახანი და მერე შეხვალთ, დამშვიდდით", — ეუბნება მას, სავარაუდოდ,
  • გარდა ამისა, შეიარაღებული პირები იმყოფებიან საცხოვრებელ კორპუსთანაც.

რატომ არის მნიშვნელოვანი: სპეცრაზმი აქციას წყლის ჭავლით და ცრემლსადენი გაზით 6-ზე მეტი საათის განმავლობაში შლიდა, თუმცა უშედეგოდ, შემდეგ კი დარბევაზე გადავიდა.

  • როგორც ადგილზე მყოფი On.ge-ის ჟურნალისტები ჰყვებიან, დილის 5 საათიდან პარლამენტთან განლაგებული რობოკოპები დაიძრნენ, მათ წინ წყლის ჭავლის მანქანა მოდიოდა, რომელიც აქტივისტებს უმიზნებდა და გზას ასე "წმენდდა".
  • პარალელურად ისროდნენ ცრემლსადენი გაზის ჭურვებსაც და იმდენად ბევრს, რომ ხალხი ტერიტორიიდან გასვლას ვერ ასწრებდა და ცუდად ხდებოდა.
  • აქციის მონაწილეთა ნაწილი გარიდებას და უსაფრთხო ადგილის პოვნას ცდილობდა, მაგრამ ვინც პოლიციას ჩაუვარდა ხელში, ძალის გამოყენებით დააკავეს და იძალადეს.

დეტალები: ენმ-ის ლიდერის, ლევან ხაბეიშვილის თქმით, აქციაზე მივიდა პირი, ზვიად ხარაზიშვილი, რომელიც 20 ივნისის დარბევას ხელმძღვანელობდა და "სისასტიკით გამოირჩევა".

  • პუბლიკას მიერ გავრცელებულ ვიდეოში ჩანდა, რომ აქციის მონაწილე დაკავებისას შეუძლოდ ხდება. პოლიციელებს ეუბნება მას, რომ ემორჩილება, თუმცა მაინც მიჰყავთ, შემდეგ კი გული მისდის — სამართალდამცავები მას ასულიერებენ და შსს-ის მანქანაში სვამენ.
  • ფორმულას გავრცელებულ ვიდეოში კი ჩანს, რომ სპეცრაზმელი მოქალაქეს სახეში მუშტს ურტყამს, ის ძირს ეცემა. ჟურნალისტების კითხვაზე, რატომ დაარტყა, სპეცრაზმელი არ პასუხობს.
  • ასევე, ვრცელდება კადრები, რომელშიც ასახულია, როგორ ურტყამს რამდენიმე სპეცრაზმელი დაბლა დავარდნილ მოქალაქეს.