14 ივნისს, შუაღამეს, დასავლეთ ლონდონში, 24-სართულიან შენობას ხანძარი გაუჩნდა. BBC-ის ინფორმაციით, თვითმხილველები აცხადებენ, რომ საცხოვრებელ სახლში, სადაც 120 ბინა იყო, სავარაუდოდ, ადამიანები ჯერ კიდევ არიან.

ამ წუთებში, ადგილზე დაახლოებით 200 მეხანძრე ცდილობს ცეცხლის ჩაქრობას. ისინი მთელი ღამის განმავლობაში მუშაობდნენ, თუმცა, ამ დრომდეა შენობაში ცეცხლის კერები. სახანძრო სამსახურის განცხადებით, ცეცხლი მეორე სართულიდან ზემოთ, მთლიან შენობაზე გავრცელდა.

ლონდონის სასწრაფო დახმარების ინფორმაციით, 30 ადამიანი უკვე მოათავსეს საავადმყოფოებში. BBC-ის კორესპონდენტი ადგილიდან იუწყება, რომ ცეცხლი მთლიან შენობას გაუჩნდა და არსებობს ჩამონგრევის საშიშროება.

თვითმხილველები ტვიტერზე ხანძრის ვიდეოს ავრცელებენ:

Reuters-ს თვითმხილველმა უთხრა, რომ ბინის მაცხოვრებლებმა თავი დააღწიეს ხანძარს, უმეტესობა პიჟამოებით გამოიქცა შენობიდან, თუმცა არსებობს შანსი რომ ვინმეს ვერ მოეხერხებინა გამოსვლა.

ადგილზე თვითმხილველმა BBC-ის უთხრეს, რომ შენობის სახურავზე ხედავდნენ შუქს, შეიძლებოდა ეს ყოფილიყო მობილურების ან ფარნების შუქი. ზოგიერთი ჰყვება, რომ ხედავდნენ როგორ გადმოდიოდნენ ფანჯრიდან ადამიანები.