ქალაქის მერის მოადგილის ცნობით, რუსული და უკრაინული ძალები ბახმუტის ქუჩებში იბრძვიან, მაგრამ რუსები აღმოსავლეთ ქალაქს კვლავ ვერ აკონტროლებენ.

რატომ არის მნიშვნელოვანი: რუსეთის უკრაინაში შეჭრის შემდეგ, ქალაქი მოსახლეობის 95%-მა დატოვა.

  • დარჩენილია 4 000 მშვიდობიანი მოქალაქე, რომლებიც თავშესაფარში გაზის, ელექტროენერგიის და წყლის გარეშე არიან.
  • ქალაქი თითქმის დანგრეულია, მარჩენკოს თქმით, არ დარჩენილა არც ერთი ხელუხლებელი შენობა.
  • რუსეთისთვის, რომელსაც დიდი ხანია უკრაინაში სამხედრო წარმატება არ უგემია, ქალაქის აღება სიმბოლური მნიშვნელობისაა, ამიტომაც ნებისმიერ ფასად ცდილობს ამის გაკეთებას.
  • დიდი ხანია არსებობს ბახმუტის დაცემის მოლოდინი, მაგრამ 6 თვეზე მეტია ეს არ მომხდარა.

დეტალები: ბრძოლები მიმდინარეობს ქალაქის მახლობლადაც.

  • დღეს, გაერთიანებული სამეფოს სამხედრო დაზვერვამ განაცხადა, რომ რუსეთის ჩრდილოეთ გარეუბანში წინსვლამ უკრაინის მიერ კონტროლირებადი ქალაქის მონაკვეთი სამი მხრიდან დაუცველი გახადა.
  • ათასობით რუსი ჯარისკაცი დაიღუპა ბახმუტის აღების მცდელობაში, უკრაინელი მეთაურების შეფასებით, რუსეთმა მათზე შვიდჯერ მეტი ჯარისკაცი დაკარგა.
  • "[რუსებს] უნდათ ბახმუტის განადგურება, მათ სურთ გაანადგურონ ქალაქი, როგორც ეს გააკეთეს მარიუპოლისა და პოპასნას შემთხვევაში", — დასძინა მარჩენკომ.
  • კვირის დასაწყისში ვლადიმირ ზელენსკიმ თქვა, რომ სიტუაცია რეგიონში უფრო და უფრო რთულდება.
  • უკრაინელმა სამხედროებმა განაცხადეს, რომ პარასკევიდან მოყოლებული მრავალი თავდასხმა მოიგერიეს.